انا مع البنات
الولد حجة لا اقل ولا اكثر
واهله مجرد وسيط يمهدولك وقلبهم عليك
القرار قراره بنفسه وبكامل قناعته ومخطط له
لا اهله غاصبينه ولا ولده غاصبه
الا اذا زوجك من الاساس ماله راي يتزوج ويطلق ويرجع بشور اهله

مافيها شي لو حاب يرجعها والولد يتربى بين امه وابوه احسن من التشتت. واحسن من حرمانه من امه واحسن من انك تبتلشي في تربيته. خلينا واقعيين ما بتكوني له احن عليه من امه

انتي ماخذه مطلق وعنده طفل وعارفه ممكن يرجعها خصوصا لو طلاقهم فيه رجعة

عالاقل الرجال كان صريح معاك وقال لك عن نيته ولا رجعها بالسر ولا راح لها من وراك!
والرجال لو بباله التعدد يقدر يدور احلى واصغر منك وكثير ما بيصدقون على الله احد يخطب بنتهم!

المهم يكون عقلك كبير ولا تغاري منها ولا تدخلي معاها في مشاكل
اعتبري انها ما زالت بعيدة
انتي في بيتك وهي في بيتها. ما يحتاج حتى تشوفيها ولا تقابليها

....
هذا لو كان زوجك يبي طليقته وهي تبيه. رجعتهم لبعض لا عيب ولا حرام


اذا ما يبون بعض خلاص يودي ويجيب ولده او يحط له سواق
ويقوم بحقوقه كامله يعني من مصروف وسؤال عنه وتدريسه..الخ

الحين دايم المواضيع هذي فيه ظلم من الجهتين
ودائما العضوات في ردودهن يختلفن
اولا انتي يافاطمه تحسين لك حق فيه لانك تزوجتيه وما معك ضره
بس برضوا انت خذيتي مطلق
يعني حتى هي بتقول هذا زوجي وعشره وجبت منه عيال كيف ماارجع له !!!!
كل هذا خليه على جنب
لكن فكري بالولد الصغير دامك ماتبين تربينه
خليه عند امه
واذا امه اهلها يرفضووون وجود عيال
امكن هذا السبب اللي خلا زوجك بيرجع طليقته وبصراحه ونعم الرجوله
تلقينه عطف على الولد وامه
وتراكم حريم تحسون في بعض مثل انتي عندك ولد تبين يتربي بين ابوه وامه
هي كذلك

تعليق لا للخلطات جزاها الله خير
فكرني باية في سورة البقرة

( وَبُعُولَتُهُنَّ أَحَقُّ بِرَدِّهِنَّ فِي ذَلِكَ إِنْ أَرَادُواْ إِصْلاَحاً وَلَهُنَّ مِثْلُ الَّذِي عَلَيْهِنَّ بِالْمَعْرُوفِ وَلِلرِّجَالِ عَلَيْهِنَّ دَرَجَةٌ وَاللّهُ عَزِيزٌ حَكُيمٌ )

والاية الكريمة ماحددت ان تزوج بعدها او لا
طالما هي طليقته ولها رجعه فهو احق واحد بها

فلا تكدري خاطرك هذا امر الله وقضاءه
يمكن رجعتها فيها خير لك وانت ماتدري

كان زوجها قبل يكون زوجك وطلقها واخذك كيف تقولين مااتحمل وجود وحده معه
ارضي وانا اشوف ان الطلاق ماله داعي سبب تافه وانتي متزوجته وعارفه انه مطلق
الله يهديكم تخربون بيوتكم ع اسباب تافهه