وش جانا يابنات لهدرجة صرنا نتهاون بأمور الدين عشان راحتنا ..!!!!

السلام عليكم ورحمة الله وبركاته

بنات تراني مااعرف اصيغ الكلام واجيبه منا ولا منا زيكم :(

ابهذر هذرن ان شاء الله تفهموني

واذا مافهمتوني تراني معذوره لاني حتى انا الحين ماافهم نفسي دامني (لقسه) يعني حوسه مزكمه :09:
يعني مخي شوي فيه تشويش على الابراج .. الذاكره ماتستجيب .. مسح بعض البيانات :icon28:

المهم

بنات انا انصدم من بعض الاحكام اللي صارت تنزل بين كل فتره وفتره

والبعض يطبقها دامها من شيخ معروف
ليش وش السالفه لهدرجه مافيه اجتهاد من الاغلبيه الاحظ الاكثريه صاروا يطبقونها والقليلين مايطبقونها

مثلاً

جتني واحده وقالت لي انها انصدمت من فتوى قالها الشيخ الـ(...معروف...) لوحده سالته
قالت حنا بالرياض ننقطع بالسياره اذا بغينا نروح لمكان او للسوق خاصه صلاة المغرب يروح وقتها وحنا ماصليناها
قالها يجوز لك القصر والجمع في الصلاة
تقول الحرمه وتحلف تقول والله انصدمت وانا ماقلت لبناتي اخاف يطبقونها في الاسواق
يعني طيب هذي بالرياض واللي بالمدن الثانيه مافيه زحمه على اسواقهم راح يطبقونها الناس مايصدقون ينزل شيخ فتوى عشان يقولون قاله الشيخ هذا المشهور لانه يجي بالتلفزيون
واذا قلنا لهم حرام مايجوز قالوا لا هذا الشيخ مايغلط ...!!!

جينا لوحده ثانيه
كنت انا بمشغل وفيه ناس مو من نفس المدينه اللي انا منها
وهن يشوون تسريحات ومكياج قلت لهم تراه اذن المغرب
قالت لااااااااا حنا في حالة سفر !!!!!!!!!!
وشدعوه ياحافظ قاعده ومفهيه ورازه وجهك للحرمه تصبغ لك وتقولين لي الحين انتي فحالة سفر
تتمشين بالبنطلون اللي حز على كرشتك وتقولين لي في حالة سفر
قلت لها لا يختي من يقوله قالت الشيخ اذا كنتي في حالة سفر يجوز لك القصر والجمع في الصلاة
جايه لعرس الاخت وتبي تقصر وتجمع بالمشغل !!!!!!
من الظهر بالمشغل الين المغرب وتبي تقصر وتجمع الصلااااااااااااااة الله أكبر
واكثر من وحده تقولي كذا حنا في حالة سفر
وشو هالفتاوى وشو كل يوم يفتووون على كيفهم هالمشايخه

طيب سؤال وشفيه فتوى الشيخ بن اعثيمين وفتاوى ابن باز وفتوى آل الشيخ
ولا لانهم متشددين بالفتوى ماينبغون عصرهم ولا وذهب الحين تغيرت الدنيا لازم تتغير الفتاوى شويات على الميك اب والبف والويفي (شعرك يصير شينكو) مايخرب مع الغطاء وانتي تصلين... الله وكبر ياحصيصه ياام قصيصه

ويننا عن العروووس اللي بيوم زواجها
سوت تسريحتها ومكياجها ويوم دخل وقت صلاة العشاء قالت ابروح اتوضى من جديد لانها تبي تقضي حاجتها
رفضت امها لانها راح يخرب كل الشغل اللي سوته
البنت ماطاوعت امها عشان ترضي ربها
بعد ماتوضت وصلت قبض الله روحها وهي على ساجده على سجادتها
عروس وقبض الله روحها وهي ساجده ماتت وهي ترضي ربها

وحنا مانقصر ندور فتوى تريحنا عشان امور الدنيا الزايله

والحين سمعت بنات قالولي ان التشقير طلعوا فتوى حرموه بالاجماع
طيب زين ,,, لكن ...............!!!!!!!!!
ظاهرت اللي تشقر وتقصصصصصصصصصصصصصه من اللي مفتييييييييه هذا
اشوف كثار بالمشغل يجون يشقرون ويقصون اقولهم هذا مو حرام قصه يقولون لا يقول الشيخ الفلاني يجوز ( يمين بالله انه معروف) انه بقاء الجذر... فيه وشدعوه يختي شوفي نفسك زين مافيه شعر وشدراني انك مانمصتيه
على الاقل التشقير اشوفه شعر اصفر بس قصه مافيه جلد بس ولا حك بالموس

يالله وش هالتحايل على الدين ...!!!!

هذا مو طريقة تحايل كاننا نستغبي او نستهبل على الدين
نسوي كذا عشان مايصير كذا


نسينا انه من علامات الساعه موت العلماء






وملاحظة كثر الجهل في الدين .. اما وحده هنا بالقسم تفتي لوحده تقول عورة المرأه مثل عورة الرجل من الركبه للسره ...؟؟!!!!

ترانا درسناها بالابتدائي وشدعوه نسينا !! :09:
اما عاااااد جتني وحده من اقاربي تقول سمعنا الشيخ (.... وياتسبدي معروف ,...) انه يقول يجوز فك السحر بالسحر وانه قالها بالتلفزيون وكلنا قاعدين يقول اذا ماقدر يفكونه بالقرآن يجوز والرسول قاله <<< حسبي الله ونعم الوكيل
ماتدرين انهم طيروا هالشيخ من مجلس الشوراء وجايه انتي وجهك ومستانسه
الحرمه على طول ماصدقه اخذت ولدها لساحر يفك بلاه وربي مااكذب لكم جلس الولد سنتين وشوي وتوفى الله يرحمه والنعم الولد

وفيه فتوى كثيررره كنت سامعتهم بس مااذكر لان مخي اليوم يعاطس :44:

المهم ناقشو وتناقشو هذا الموضوع

مجتمعنا لهدرجه تهاونو في امور الدين

وصاروا يمشون على فتاوى تريحهم

صحيح الدين يسر وليس بعسر

لكن هناك حديث يقول

((الحــــــــــــــــــــــــــــلال بين و الحــــــــــــــــــــــــرام بين و بينهما امور متشابهة فاتقو الشبهات)) يعني قال ابعدوا عنها مثل الحرام


ووووو بس

باقي الكلام لكم

كملوووه :)

جزاكم الله كل خير