(مزعلة النساء) @mzaal_alnsaaa_7

عضوة جديدة

وش حصلت في درج شغالتي الاندونيسية

خدامتي راحت تشتغل عند اختي لمدة شهر على شان اختي جابت مولود
رحت وفتحت دولاب الشغالة وحصلت ملابسي وبناطيلي مقصرتهن على مقاسها
روب نوم مدري من وين سارقته جوالي عندنا رامينه زمان بالدرج سارقته شريحتين موبايلي
بطانيات صغيرات حقت عيالي جلالي وبلايز مقصرتهن على مقاسها
طبعا انا موظفة وربي اني انا وزوجي مصدومين مرررره
وش رايكم هل احرق بجميع المسروقات خايفه انها حاطه فيهن سحر او غيره
خليتها تطلع بملابسها ولا وضحت لها شيء ابد
ابي نصائحكم هل لو كانت مسوية شيء لو احرقهن يضرني
طبعا الدرج فيها خصوصيتها ولم افكر يوم افتح الدرج لا يوم خليتها تروح عند اختي

يلزم عليك تسجيل الدخول أولًا لكتابة تعليق.

تسجيل دخول

@ام عبودي@ • 14 سنة

الله يعطيك خيرها ويكفيك شرها شوفي اختي الملابس والاعراض اللي شفتيهم عندها لاتحرقينهم انتبهي وديهم عند شيخ يتصرف يمكن تضرين نفسك لاسمح الله اذا كان فيهم سحر خلي سوره البقره شغاله في البيت وحصني نفسك واطفالك احفظ الله يحفظك وربي يحفظك ان شااءالله:26::(

ألم و حزن • 14 سنة

لاحول ولا قوة إلا بالله العلي العظيم ..

الله يكفيك شرهاااااااااا.. ان شاء الله البنات يفيدونك

(مزعلة النساء) • 14 سنة

ألم و حزن :

لاحول ولا قوة إلا بالله العلي العظيم .. الله يكفيك شرهاااااااااا.. ان شاء الله البنات يفيدونك

لاحول ولا قوة إلا بالله العلي العظيم .. الله يكفيك شرهاااااااااا.. ان شاء الله البنات يفيدونك

الخدامة ما سافرت قريبة
لكن كيف اتقي شرها بالاشياء الي حصلتهن في دولابها
ابي رقم شيخ خاص بالأمور هذي وابي رقم مفتشة خادمات
وهي طلعت ماعليها الا عباءتها فقط

جروووح إنسانه • 14 سنة

يا اختي دامها مقصره الملابس على قدها ما اتوقع مسويتلك سحر بيها
هدي سارقتها لنفسها عشان تلبسها

بس برضو الاضمن لك ولعيلتك انك تسوي مثل ماقالو البنات
ومفتشة الخدامات ليش... البسي جونتيات ودبليها وفتشيها جزء جزء

جيبيلها عبايه جديده وملابس جديده.. يمكن تكون مخبيه شي يخصك بملابسها وخليها تروح بحال سبيلها

هوازن الرياض • 14 سنة

الحمد لله على السلامة .. مبين أنها ناوية بس تستفيد منهن بس ..

شريحتين موبايلي من وين جايبتهن ..؟؟ معها جوال ..؟؟ عندكم سواق ..؟؟

الملابس أنا أقول فتشيهن زين وما عليك ألا العافية أذا ما شفتي فيهن شيء .. لكن أتركيهن لا تحرقينهن ..

خليهن عندك على جنب لين تلقين شيخ ممكن تشتشيرينه ..

لكن العلة فيها هي اللحين ..

أنتبهي لا تحس عليك .. وأحجزوا لها وضبطوا أوراقها ولا تحس بأي شيء حتى ما يمديها تكلم أحد ..

عاملوها زي أول وبالعكس أشكروها أنها تهتم بأختك .. حتى ما تحس بشيء ..

ترى مو شرط أذا وديتوها المكتب بيستقبلونها .. بيقلون لكم خلوها عندكم لين يجي حجزها ..!!

فأبد آخر لحضة وبيوم الأقلاع فتشوها زين .. وخلوها تروح الله لا يردها ..

الله يكفيكم شرها ولا يحيجكم لها ..