مرحبا بنات
أكيد بعضكم قرا سالفتي مع الشريحه اللي لقيتها في بدلة دوام أبو الشباب ( زوجي :arb:) والحكي اللي لقيته موجود فالرسايل واللي كان من وحده أسمها (( هنا )) ياجعلها لمدري وش :mad:<<< ماتبي تدعي خخخخخخ ..
ياني عشت ايام اعوذ بالله الشيطان مايقصر زينها لي على أنها خيانه من الزوج وتلقين طول الوقت هالسمرمدي الشيطان يبث حتسي مالوه سنع مثل هيك
>>>>>>> (( حرام زوجك معرس عليك ))
>>>>>>> (( حتما تقولين له ياأنا ياهي ))
>>>>>>> (( واغلي عنك يحبك وخانك )):confused:
ومن هالحتسي الواجد اللي كان لي منه نصيب وافر يعني راااسي امتلى من الوساوس أعوذ بالله مع أن الثقه بيني وبين زوجي موجوده بس الشيطان جعله للمراره اللي تنفقع مايقصر في بث سمومه حتى لو كانت الثقه في العلالي:44:..
أول خطأ سويته أني فتحت الشريحه وشغلتها :23:<<<<< والله من الكماخه المفروض طنش تنتعش بس الحريم من يمسك أياديهن
مريت بأوقات عصبيه ياربي أقوله وإلا أسكت أوقوله وإلا اسكت طول وقتي وانا معه على هالموال حتى هو مستغرب وش عندي هههههههههه ..
طبعا كنت عايشه في تشتت ماأدري وش أسوي فقلت مالي إلا أسوي ( إسترخاء ) لنفسي عشان اهدى وأعرف اركز ...
طبعا أنا محسوبتكم أخصائيه نفسيه:rolleyes: (( مبتدئه خخخ واحل مشاكل اهلي وتدربت في مستشفى فالصيف يعني استفدت كثير والحمد لله باقي لي كم ماده أخلصها )) هذا اللي قاهرني أني قادره احل مشاكل الناس وعاجزه عن حل مشكله تاااافهه بيني وبين أبو الشباب
دورت لي طريقه ابين فيها لزوجي أني لقيت شريحه وهيك ومن هالحتسي وأهم شي أني أبين له أني ماشغلت الشريحه <<< تقوطر براءه
وبعد محاولات عديه من الإسترخاء الذهني والنفسي قدرت ألقى لي حل خووووررراااااافي ..
رحت للمعزب بعيون برئية وحزينه <<<< (( تراي حاطه شوشتي قرنين :22:عشان الدور ههههه لانه دايم يقول لي إذا حطيتي قرنين وشرايط أحسك صغنونه حييييل وضعيفة وبريئه خخخخخ ..
المهم جيته قلت له يابو نسب بوه شي في تسبدي حارني ودي اقوله لك بس لاتزعل ..
قال وش عندتس ؟؟؟؟؟؟
قلت له : ماهنا شي بس أنت مافقدت لك شي ؟؟؟؟
قال : مثل وش ؟؟؟ <<<< على نياته وأنا طول وقتي افكر اقول عساه متزوج ههههههههههههههه:35:
قلت : فكر منا منا يمكن شي مضيعه فاقده ..
على طول قال لي : هاااااااااااااااااااااااااااااه :42:لايكون غسلتي ثوبي وفيه فلوس ههههههه <<<<< دايم تصير
انا من سمعته قال هااااااااه بصوت مزمجر قلت في قلبي : جعله المر شكله صدق معرس علي وفاقد الشريحه ..
بس الحمد لله كملها وقال غسلتي ثوبي وبه فلوس هههههههه <<<< هذي مشكلتنا نسبق الأحداث والله من زود الطفاقه ..
قلت له : لا يابو نسب ماسويت هالشي بس فيه شي بالغط غسلتوه مع بدلتك وخرب <<< (( أبي ابين له أني ماشفت الشريحه بس لما طلعت البدله من الغساله لقيتها منعفطه فالغساله خخخخخ)) <<< طلعا أنا لجأت لهالطريقه لأني جد ماأبي أحسسه اني شاكه فيه لأن فشله كبرنا على هالسوالف هماي بعجز وبدخل عمر 22 بعد كم شويات يعني قهر خخخخخخخ ...
قال لي : لا والله مافيه شي فقدته ؟؟؟؟
قلت : شريحه ؟؟؟؟
قال : شريحتي في جوالي :22:!! << هنا تأكد لي اني ظالمته ههههههههههههههههههههههههههه
قلت له : لااااااااااااااااااااا .. هماي غسلت بدلتك حقت الدوام ولما طلعت البدله من الغساله لقيت الشريحه منعفطه وخربانه ... قسم بالله ان ماقصدي أخربها والله مادريت أن في البدله شي والله معليش <<< براءه ههههههه
قال : اهااااااااااااااااااااااااااااااااااااا هالشريحه لقيتها طايحه فالمكتب خخخخخخخخخخخ وسألت أصدقائي لمن ذي كلهم مايدرون لمن ..
قلت : زيييييييييين <<<< من قلب طاااااااالعه
المم قال قومي جيبيها بشغلها خخخخخخخ
قلت خربت هههههههههههههههههههههه
قال : بسلامتها خخخخخخخ
وأنا من هنا شعرت بإنتصار كاااااااااااااااااااااااااااااااااسح ( انتصرت على الشيطان هههههه هماه وسوس لي )
وتعلمت درس اني اخلي اللقافه عندي والتنبيش باغراضه ههههههههههههههههههههههه
ومشكوووووووووووووووووووووووررررررررين كل اللي أفادوني وقالوا لي لاتبينين له أنك فتحتيها
والف الف الف شكر لكم
آآآآآهـ يـادنـيـا @aaaaah_yadnya
عضوة فعالة
يلزم عليك تسجيل الدخول أولًا لكتابة تعليق.
آآآآآهـ يـادنـيـا
•
لو ماطلع برائة كان صارت علوم هههههههههههههههههههههههه
لا يمكنك مشاهدة هذا التعليق لانتهاكه شروط الاستخدام.
وهـ بص يالبى قليبتس انتي
تراي معجزه لي سنه ونص معرسه خخخخخخ
تراي معجزه لي سنه ونص معرسه خخخخخخ
موفقه يا قمر عسى الله يديم المودة اسلوبك رائعموفقه يا قمر عسى الله يديم المودة اسلوبك رائع
وياااااك ياقلبي
وعسى السعادة ماتفارقك
وعسى السعادة ماتفارقك
ماشاء الله ازين ماسويتي الله يكملك بعقلك يارب وانتبهي لاتدخلين الشك في حياتك ودائماً التمسي الاعذار ولاتدخلي الشيطان في علاقتكم:26:
الصفحة الأخيرة