لا اله الا الله
كنك تتكلمين عن زوجي حياتي كذا معه زيك بالظبط وصبرت يا اخيتي لي 20 سنه الحين وهو نفس الرجال والا زاد بعد شر له مزرعه وتقاعد وصار قاعد فيها ويجونه ربعه وما يجينا الا يوم والا يومين ويروح الاجازه بس انتي تختلفين عني انك في بلدة اهلك 0(((لا والله انا اول سنتين كنت في نفس البلد مع اهلي بس صنفت عليه ونقل لقريه تخيلي ما قالي الا بعد ما جاء نقله وخلاني عند اهلي شهرين لحد ما استاجر وجاء ياخذني )))) الحين انا متحسفه اني صابره عليه كنت اقول يا ليتني رحت منه وانا معي 2 احسن من 6 والله ان الامراض تنهش فيني من الحسره اقري موضوعي عن حياتي معه تلقينها في مواضيعي
والله يا اختي زوجك فيه اكتئاب لان زوجي اذا اخذ علاج الاكتئاب يخف شوي سبحان الله زوجي زي زوجك اذا جلست اتناقش معه ليش تعاملني كذا قال اسالي نفسك انتي رفلى يعني ما تنضفين وانا عندي شغاله بس يدور شي وانتي ما تحترميني عدلي نفسك وانا اتغير بس لا تطلبين مني اتغير على طول لازم اخذ وقت وعلى ها الحاله زوجي ما ينسى ودايم يعدد اشياء من الماضي تذكرين وتذكرين وانا ما اذكر شي طبعا اذا جينا نتناقش عند مشكله والمواضيع الي يقولها مالها دخل ابد بالسالفه انا لي 20 سنه متزوجه وانا من يوم تزوجت وانا اتمنى اسافر للخارج وهو رافض الفكره اقوله على حسابي يقول لا ودني للسوق لا ودنيي مطاعم لا حتى بنتي يوم تملكت اروح مع ليوزين اتقضى اغراضها الله المستعان الله يعينك يا اختي انتي فرقتي عني ان الي عندك ولد انا بنت اوالثانيه جبتها بنت علشان كذا ما فكرت اني اتطلق رحمت بناتي من البهذله لان العيال ارحم احس 0 ياليت الايام ترجع كان من اول مشكله معه بعد شهر من الزواج رحت لاهلي 0 يا الله الخيره فيما اختارها الله 0 طولت عليكم 0

الصراحه اسلوبك جدا استفزازي
خلك جديه شوي اتركي حركات
الرومانسيه والدلع كل شي له وقته

هونيها وتهون

والامر سهل

بس انتي معطيته وجه اكثر من اللازم

ياختي عيشي حياتك وانبسطي

ماشاء الله عندك اهل تروحين لهم وتستانسين عندهم

واهل زوجك بعد انبسطي معهم

وماشاء الله حامل تنظرني مولود هذي بعد سعاده ونعمه من الله

وعندك ولد تهتمين فيه ويحتاجك ويبيله حب ورعايه

نعم الله عليك كثيره

هدي اعصابك واتركي الرجال لاتنتظرين منه شكر على طلباته او واجباتك داخل البيت وتنقهرين منه اذا ماشكرك

الرجال اذازعلو ما عندهم الا النظافة

لا تضيعين عمرك على رضاه لانه ماراح يرضى لوقلبتي البيت جنه راح يسوي مشكله

هذا كلام استشاريه بالاسره

خليك طبيعيه معه بدون تكلف ورسايل واشياء مالها داعي

والله يوفقك اسعدي نفسك وخليه حاجه من ضمن الحاجات ماهو كل شي


واذا ماغلطتي لاتسئلينه وشفيك اتركيه الايام ترضيه

والله زوجك زي زوجي لا كن تدرين وش نفع معه في النهايه الحقررررررررررررررراااان واهم شي لا تخلينه يمسك عليك شي بالذاات بيتك ولو كاان زعلان و وا9م شي تدرين اي شي تنضفين تروحين عنده وتقولن نضفت لمن مت من التعب واذا في مجال تورينه ياليت\

أهلا يا سلطانه
ترى الثقل زين.. ولا تلاحقينه بالاتصالات والرسايل.. (عشان يحترم اتصالك)
وبعدين أنتي مانتي بحاجته ما شاء الله معلمة وعندك راتب..عيشي حياتك الخاصة (صدي عنه شوي )
صدقيني بيشتاق لك وهو اللي بيدورك