عادي انا يوم قريت موضوعك ظنيت تتكلمين عن ابو عشر سنين لان عندي ولد كبير يخاف
بس لخوفه اسباب وحكايه
بس ما دام تتكلمين عن ابو سنتين ولسى صغير عادي والحل بسيط
شي طبيعي يخاف من شي ما يعرف له تفسير
ولدي كان ينرعب من المكنسه الكهربائيه ينط ويرتجف اضمه والقى دقات قلبه سرييييييييييعه
صرت اجيب المكنسه واخليه يشوفها واول مايشوفها كان يرتجف بعدين اشغلها واضحكه والعبه واطفيها بعدين اشغلها واضحكه وكذا لين تعود على الصوت
وصار يحسبها للعب عمره سنه وشهرين طبعا
الحين وانا اكنس اذا قربتها لمسها وعادي
اقترح عليك تسوين نفس الشي مع الاستشوار وممكن تسوين له لعبه مثلا
تحطين منديل وتتطيرينها بالهواء حق الاستشوار
والساعه مثلا تلعبينه على صوت العقارب ترقصينه على دقاتها
المطر اذا جاء تفرجي انتي وياه عليه وسولفي له
طولت بس حكايه حلوه اضيفها
زي ماقلت ولدي الكبير يخاف وكل عيالي وانا نخاف من البرق والرعد بس عيالي ما يدرون اني خوافه
وانا اللي اخاف منه اتشجع قدام عيالي واضغط على نفسي واواجههلان ماني ناقصه ولدي الكبير بيصير رجال ويخاف من البرق والرعد
المهم من شهر كان فيه مطر ورعد وبرق على المغرب وكانوا عيالي خايفين قمت اشجعهم واتشجع واسولف لهم انه شي عادي وافسرلهم ليش يصير البرق والرعد....و....و........والمهم استفدت من التجربه واستفادوا

مصختها بس من الطريف اني يوم كنت صغيره كنت اظن مافيه اشجع من امي الله يخليها لي
وكانت اذا شفنا حشره او شي تهون من امره حتى لو كان عقرب اووزغ او غيره
ويوم شفتها تكنس باسفل الدرج وامي جسمها مليان المهم شافت عقرب صغير وبلمحة عين لقيتها باعلى الدرج تلهث والمكنسه بيدها وخايفه منظر لا ينسى ابدا

اللـــــــــــــــــــــــــــــه يعـــــــــــــــــــطيك الــــــــــــــف عافــــــــــــــــيه ياهيــــــــــو

من جد نورتيني وولدي الظاهر طالع علي انا فيني حقي من الخوف عشان كذا انا مهتمه مابيه يصير مثلي خاصه انه ولد ..

الله يامن خوفك وخوفه يارب
الله يخليه لك ويعيننا وياك على التربيه
المشكله بسيطه باذن الله اذا خاف الطفل من شي لا تجنبينه اياه لا
عوديه عليه حبه حبه لين يشوفه شي عادي
خاصه ان كانت اشياء عاديه

والله نفس الشي بنتي خواااافه عمرها سنه وعشر شهور .. تخاف من المكنسه والخلاط وكل شي صوته عالي ..

وتخاف من كل الظروف الجوية المطر والهوا والثلج والبرق والرعد ..

استفدت كثير من كلام الأخت هيو الله يعطيها العافية ..