ماأقدر أقولك عليك بالدعاء طلبت المساعدة من الاخوات في المنتدى ونسيت ان تطلبي من الله الكريم القادر ادعي الله ان يحنن قلبة عليك ويحل مشاكلكم وثقي بإذن الله مايخيب ظنك

ياناس الحرمة تقولكم زوجها عنيد ومكابر ترى فكرة خروجها من المنزل مجازفة بحياتها الأسرية
يا كثر ماسمعنا عن حريم يخرجوا بهذي الطريقة وفي النهاية زوجها يعاندها ويستكبر إنه يرجع لها .

أما موضوع الكرامة حتما لازم تحافظ عليها لكن بهدوء وبمناقشة وبعدم إظهار مشاعرك كلها بالجملة له .

وبعدين هل حصلت مشكلة بينهم قوية لدرجة إنها تثأر لكرامتها وتروح بيت أهلها كلها أمور تافهة .

والرجال مختلفين عن بعض ممكن وحدة تشور عليكي وتأكدلك إنه راح يرجع لك ويتذلل ممكن يكون هذا الكلام من واقع تجربتها وحسب شخصيتها وحسب شخصية زوجها
الأفضل أن تعتبري كلامه هذا عيب فيه كل بني آدم فيه عيوب واحتسبي الأجر عند الله بالصبر وبالحكمة والحلم وأتاكدي انه عند الله مايضييع .

إحذري ياأم عزوم الخروج من المنزل واستعيني بالله كما ذكرت لك أم معاذ

اخواتي مشكورااااااات على تفاعلكم ...

اختي لاتطلعين من بيتك وقوليله اطلع انت انا ماراح اطلع من بيتي وبعدين طنشيه شويه واهتمي بنفسك وبعيالك يعني مثل ماقالت اخت من الاخوات روحي الصالون اشغلي نفسك بأي شي ولاتبيني له ان انت تسوين هالاشياء له وقومي بكل واجباتك كأم وزوجه في البيت
وبعدين ليش في بينكم مشاكل هل هي بسببك ولا بسببه هو ومشاكلكم هذه كبيرة ولا صغيره وعلى اشياء تافهه ياريت تقوليلنا عشان نقدر نساعدك

انا اقول لك ايش تسوي اذا تخانقتوا في البيت وقال لك اطلعي لاتطلعي لاكن اختفي عن انظاره يعني لاتخليه يشوفك ابد في البيت ولايشم ريحة عطرك وابعدي عنه العيال عشان يحس انه في حرية تراي بعض الرجال يحب يشعر شوي بحريته وانه طليق امنحيه هذه الفرصة يمكن انت مااعطيتيه هذه الفرصة واكثري من الدعاء عسى الله يفرجها تراي انا كذا لما اتخانق معاه ادخل غرفتي بنتي الصغيرة واقفل على نفسي ومايشوفني ابد ووقت النوم انوم بنتي وولدي وبعدين اتسحب لغرفة نومي وانام من غير مايحس فيا وياما تصالحنا بطرق ممتعة وغريبة الله يفرجلك همك