وش خلاني ادق من جوال زوجي ؟!

السلام عليكم
جيراننا تربطنا علاقه فيهم من تقريبا عشر سنوات سطحيه جدا مادخلت فيهم الا تقريبا قبل سنتين وانسحبت لانه ما ارتحت ابد
لهم بنتين وحده متزوجة والثانيه بنت ٢١ سنه مو متزوجة
انا قبل سبق ودخلت فيهم وصارت تربطني صداقه
واكتشفت المتزوجة زوجها هاملها وطلعات وسفر وبدت المتزوجة تكلم عشان تتسلى وكشفها زوجها ومنع عنها السناب وصار حريص على جوالها ويدقق عليها
كانت تنقهر اذا قلت لها زوجي يجلس بالبيت ما اقدر اعزمك او زوجي موجود صعبه ادق نسولف هي صداقتها غريبه من الحريم الفاضيات اللي عادي تدق باليوم مره مرتين تسولف وكل سوالفها عن زوجها شك فيه انه يكلم او تشكي انه مايجلس عندها
وصارت تنغث وتنقهر اذا قلت اعذريني فلانه زوجي بالبيت مقدر اكلمك مع انه زوجي بالغالب برى لكن اصرفها فيه عشان تسكر لان اذا قلت عندي شغل ماتقتنع تنشب مايسكتها ويخليها تسكر الا اذا قلت زوجي فيه
صارت تغار انتي تحومين الكبد التفتي النفسك تكشخي بحجة ان زوجك بالبيت حرام جالس ماتكشخين استشوري شعرك لفي كيرلي البسي قمصان نوم حلوه من باب النصيحه تقول انتي زوجك يهبل مو شين رغم رجلي عادي جدا وهي الظاهر الوحيده اللي تشوفه مو شين ورغم انها ماأدري من وين جابت انه ما اكشخ ولا اللبس لا بعد تمادت وصلت تسال عن العلاقه انتم كم مره حنا بالشهر مره وزوجي مايناظرني ويسوي العاده السريه ،،انا يوم صلت هنا قلت خلاااص ستب وقطعت العلاقه اللي مارتحت لها من بدايتها هذا غير اختها اللي عمرها ٢١ جريئه وراعية مغازل وتكليم بالجوال لكن بحالها ماتدخل فيني بس تسمع الاختها مررره
اللي حصل هم نقلو بنفس الحاره لكن نقلو ومن زمان اول يوم كانو جنبنا كنا كل ماجاب زوجي تمر عطيناهم ذا المره جاب زوجي تمر كثير ووزعنا
قلت جيراننا الاولين امهم دائما توصيني اذا جاكم تمر عطونا خلني ادق على امهم ولا الجوال حقي اللي حافظه في الارقام مايكلم واخذ جوال زوجي وادق وترد امهم وقلت له برسلكم تمر عطين لوكيشن البيت وتسالني هذا من رقمه قلت زوجي وودينالهم التمر لاعادت من تمر عقب تذكرت البنات قلت الله يستر يجلسون يطقطقون على اللي عندي فاضيات وفيهم جرئه ومن يومها وعجزت ارتاح بس اهوجس خصوصا المتزوجة فيها خبث وحسد ربطتني علاقه فيها سنه كامله مو مريحه ابدا قبل ما اعرفهم فقط امهم نرسلها تمر ترسل رسائل بالاعياد نفس كذا
اتذكر طلعت كوفي معها البنت المتزوجة راعية ترزز وتسولف مع القرسون اذا صار عربي وضحك وتميلح واذا شافت رجل تجلس تدقق وتمدح وتركز على المناطق الحساسه بعد هذا اللي خلاني اتقزز منها واكرهه اكمل معاها حتى مره عزمتها مع خواتي ابد ابد ما ارتاحولها خواتي قالو مو مضبوطه ابدا ولا مريحه يكفي ان زوجها يشك فيها ومانع عنها السناب وكم مره يكشفها تكلم وهي بنفسها تقولي قمت اوسوس صراحه خصوصا انها منقهره ومنغثه مررره ليش اقطع علاقتي فيها بدون سبب وليش اسحب عليها ودايم بسناب اختها تحاول تغيضني انها مبسوطه ولقت غيري حركات بزران مراهقه انا اشوف واضحك لكن الحين قلقانه صراحه منهم الله يكفينا شرهم