وش ذا الهبال يابنات ؟؟؟ََََََّّّ

اتصلت على مشغل ...... مكياج العروسه وشعرها داخل الصالون ب3000 وبرى ندبل السعر

اتصلت على مشغل ...... مكياج العروسة داخل الصالون ب 1500 وبرى الصالون ب5000

اتصلت على مشغل .......... مكياج العروسه وشعرها ب 4000 وبرى تدبل السعر

اتصلت على الكوفيرا ......... تشتغل لحسابها الخاص مكياج العروسه فقط ب3000 والشعر 1500

وبعضهن صقعن للخمس الاف ...

يابنات وش ذا الهبال في هالمشاغل راتب شهر كامل ينحط بمكياج عروس ولو بقول لها مناسبتي ملكه مو زواج

كان ينزل نص السعر .. ليش الاستغلااااااااااااال

ممكن ندور على كوفيرات يشتغلن لحسابهن الخاص لكن فيه مخاوف كثيره

اولا ممكن تلغي الحجز باخر لحظه وساعتها بتوهقين

ثانيا ممكن تجيك متاخره والبيت مليان بنات يبي لهم تصليح ومكياج وشعر وحوسه

ثالثا ممكن ترسل لك وحده ثانيه بدالها او توهقك باللي تسوي الشعر وساعتها بيصير وجهك كذا :eek:

رابعا ممكن مايكون مكياجها حلو وانتي بس جايبتها على مدح البنات وساعتها تقولي ليت اللي جرى ماكان

خامسا احتمال كبير تكون حالها حال المشاغل بالسعر النااااااااااااااااااااار اللي حرام ينحط بمكياج ساعتين وثلاث ساعات



والله اني في حيره عروس ومعاي اكثر من ست بنات ومالقينا شي يناسب الميزانيه

ارجوكم عطونا مشاغل في شرق الرياض يكون سعرها حلو ومعقول وشغلها رووووووووعه ومسكت بعد

لاتقولون تبين المسكت روحي للغالي الله يذكر ايام ( نعيمه ) بخير كانت تشتغل بمشغل اللمسه الاخيره

بشارع خالد بن الوليد كان مكياجها روووووووووووعه والكل سالنا عنه رحت ومالقيتها للاسف

اللي تعرف مشاغل مكياجها فعلا جميل ورايق وحلو ويبيض الوجه تسدح لنا اسم المشغل ورقمه وموقعه واكثر

كوفيرا شاطره بالمشغل مكياج وشعر

والله اني تعبت ومتوتره وخايفة من المقالب اللي يسونها بعض اللي يشتغلن لحسابهن الخاص

وغير كذا ابي شي سعره معقول وشغله زين


انا رحت مشغل اللمسه الاخيره ولقيت وحده مغربيه اسمها مليكه تسوي مكياج شرايكم بمكياجها ياللي جربتوها

واللي تعرف رقم وحده ثقه ثقه ثقه واسالكم بالله لاتمدحون اي انسانه لاغراض شخصية امدحوا اللي يستحق المدح فقط

اما الدعايات اللي مالها سنع خلوها بعيد عن موضوعي تكفون :angry2:

عافاكم الله وكان الله في عون الجميع

واستلموا المايك الحين

:)