ماقدرت اكتب هالموضوع إلا بعد ماشربت مويه وتنفست واخذت شهيق وزفير لين استوعبت الوضع :44:
أقسم بالله اني مصدومة من بعضكن يابنات حواء :icon33:
ردووووووووود زي السم وتسد النفس.
طبعا كثير بنات ينزلو موضوع يطلبون رايكم في فساتينهم ، وبعض صاحبات الموضوع تقول للبنات
اتقبل النقد........... لكن اخواتنا في الله (باقي العضوات الي بيعطون رايهم) ماتصدق خبر
وتبدا تهل على صاحبة الموضوع رايها الي زي سم العقرب وأشد........
الي تقول لها:
" وععععععععع"
أو
" يحوم الكبد"
أو
" مستحيل البسه"
ولا تجيك الوحدة تطبها كلمات قاسيه وتسب في ثوبها وان ذوقها ذوق (.......) واخرتها تنهي ردها بملبوس العافيه
اي ملبوس واي عافيه ، البنت خلاص عافت الثوب المسكينه
وهلم جرا من بعض الكلام الي اشد وطاه من هذا كله :09:
:mad: لاتجي وحده وتقول لي وش عليك، صاحبة الموضوع طلبت راينا وانها تتقبل النقد بكل رحابة صدر
النقد له معايير واصول ، فالوحدة لما تنقد يكون نقدها بناء عشان مصلحة صاحبة الموضوع مو عشان تسد نفسها
في بنات ماشالله عليهم تلاقي ردودهم خفيفه وغير مؤذيه لمشاعر صاحبة الموضوع. وتحاول باسلوب راقي
توضح لصاحبة الموضوع انه ماعجبها وبنفس الوقت ماتجرح مشاعرها.
والله لو تجي وحده وتقولكم في الوجه ماكياجك مو حلو ماراح اقول وع لا بقول بس انها راح تقولكم ماكياجكم
مو حلو ......ز راح تعصبوا وتحقدوا على هالبنت......... لكن لما تجي وحدة وتقولك ماكياجك حلو
بس خففي عرض الكحل من اسفل العين عشان تبين رسمة عينك الحلوة، راح تتقبلي رايها
أول ماسجلت بالمنتدى كنت محترمة في ردودي عالبنات لكن ماكنت اركز اذا ردي بينفهم غلط او ممكن يزعج احد
لكن بعدين انتبهت ان الكلمات الي نكتبها تاثر على الاخرين فصرت احيانا والله اني اكتب الرد وامسحه
وارجع اكتب وامسح عشان يوصل بصورة مفهومة وواضحه للكل وماعطي مجال لاحد يفهم غلط او يزعل
وبالاخر حنا بشر ولا بد يحصل تقصير.
الكلمة الطيبه صدقه، والي ردودها طيبه كلن يحترمها وان شالله تؤجرين عليها لانك تتعاملين مع ناس مو مع الالات.
بعضكن تتوقع لان هذا نت وماحد يعرفها، ترد باسلوب هابط وتافه مع الكل....... لكن الانسان المحترم وين ماتحطينه
يضل محترم بردوده وتعامله مع الاخرين...........
والعضوات الي ردودهن تافهه المفروض صاحبة الموضوع تبلغ عنهن عشان تحذف ردودهن.......
والمفروض بعد مانحاكيهن لين ردودهن تتحسن واسلوبهن يرتقي.........
حبيت اقول الي بخاطري لان هالنوعيه من البنات الي ردودهن تسد النفس كثرت فجرى التنويه
دمتم بود
الشيهانـــة @alshyhan_4
محررة فضية
هذا الموضوع مغلق.
@نسيم الحب@
•
يعطيكـ العافيه ما قصرتي
تسلمي صراحة على طرحك الجريئ
وانا عن نفسي لو نزلت موضوع ولاقيت مثل هذه الردود يمكن أحرم انزل مواضيع
يسلموووووو وتقبلي مروري
وانا عن نفسي لو نزلت موضوع ولاقيت مثل هذه الردود يمكن أحرم انزل مواضيع
يسلموووووو وتقبلي مروري
صادقه في كل كلمه قلتيها
النقدمومعناته
اجرح بالفستان وصاحبته
اذاموعاجبك وضحيلها بذووق واسلوب
ممهما كان الانسان محاسب على كل كلمه يقولها
النقدمومعناته
اجرح بالفستان وصاحبته
اذاموعاجبك وضحيلها بذووق واسلوب
ممهما كان الانسان محاسب على كل كلمه يقولها
الصفحة الأخيرة