وش رأيكم بالموقف

بنات كل وحده ابي تحط نفسها مكان البنت قبل ترد
لاحظو حطي نفسك بمحل البنت اللي يتكلم عنها
لو فيه بنت كبيره بنهاية العشرينات
ابوها توسط لها عند شخص يوظفها حكومي
براتب قليل تقريبا ٥ الاف
والوظيفي جدا عاديه ومتعبه يعني من الصباح
الى ٢ الظهر
ام البنت طلبت ان البنت تساعد شوي بمصاريف
البيت لان الوضع صعب فصارت البنت تعطي امها
كل شهر ١٠٠٠
البنت دخلت جمعيه ب الفين
واشترت سياره بعشرين الف تمشي الحال
بقى من كل راتب البنت بس ٢٠٠٠
تروح بيومين غير طلبات خواتها وامها هي تقول غصب
ارحمهم مثلا يبون يطلعون يبون كوفي خاصه خواتها
فتروح تطلب لهم كل يوم احيانا
المشكله ان ابو البنت اشترى سياره اقصاد
ب ٥٠ الف للبنت الاصغر من المتوظفه
البنت المتوظفه مو زعلت لكن شرهت
وجوى نفسها زعلانه تقول كيف كذا يسون
وانا ساحبين علي من يوم طلعت ع الدنيا بالموت يصرفون
علي الضروريات بس وامها كل شهر تأخذ منها الف
لما البنت صارحت الام والأخت
ان كيف كذا تشترون لها سياره قصد ب ٥٠ الف
وانا ساحبين علي وتاركيني اخذ جمعيات
ومن راتبي ديون واخذه خرده وهي كذا تجيبون لها
تقول قامو علي اختي وامي قالو
انتي موظفه حكومي وعندك فلوس و و
تقول حسسوني راتبي ٢٠ الف مو ٤ الاف
ونصه يروح لهم
هي بكت وانقهرت من التفرقة وعلى كلامها امها جدا
طيبه لكن فيها مشكله التفضيل يعني تقول ادري تحبني
وتقطع نفسها لي لكن لما تحن عليها بناتها تسوي لها
اللي تبي صديقتي مو راعية حن ابد اصلا من يوم للدنيا تراعي ظروف أهلها
ولا تطلب منهم عكس خواتها بالذات وحده توها بالكليه
كسرت ظهر أهلها بالطلبات هي تقول لما صارحت
مع انها ماصارخت ولا هاوشت بس تقول امي بكت
انه ليه كذا تتحاسدون
وهي تحلف تقول قسم مو قصدي حسد لكن حز بنفسي
التفضيل والتفرقة لدرجه قريبتها يقولون
انتي موظفه وسيارتك قديمه واحتك بالكليه
وسيارتها حلوه من وين لها !!
لو بمكان هالبنت تزعلون من الموقف او صحيح كلام
أهلها انها موظفه