وش رأيكم بكلامها

انا وحده أساير لابعد حد
وحياتي تمشي صح بالمسايره
اختي عكسي تماما ودايم تقول عني ضعيفه خاضعه لهم
بقولكم امثله اخواني مايبون ابد اركب مع اوبر
وامي تدري لكن تقولي لايدرون يقالك رايحه
مع السواق
وانا اقولهم كذا رايحه مع سواق
لكن اخر شي اليوم اختي قالت والله يأتني خاضعه لهم
هذا اللي خلاهم يوطون عليك
اخواني جدا جدا طيبين لكن
لاتعانديني اختي الحين مايكلمونها
ويكرهونها وتوصل للضرب بينهم
عشان بس تعاندهم يعني تقول ايه رايحه ومسويه ولا لك دخل وآخر من يتكلم انت
للأسف اختي ٢٠سنه جدا جدا متأثره بالنسويات
وقسم بالله كل كلامها نفس كلامهم بالتويتر
ان ماباقي الا رجل يتحكم فيني والله لادعس علهي
انا حره
انا حتى امي وابوي مالهم دخل فيني
انا ابي اسكن لحالي ولما اجي أناقشها
بهدوء تجلس
تتمسخر علي زي انتي عبدة رجال ؟
انتي خاضعه انتي خوافه
انتي ضعيفه والمشكله لما تتمشكل مع اخواني
من اول كلمه منهم تجلس تصيح
مدري ليش تهايط والشهادة لله
اخواني جدا جدا طيبين ويصرفون علينا ويسفرونا
كل مكان برا ولو نبي اي شي يركضون يجيبونه لنا
لكن عندهم خطوط حمراء زي اغلب شباب السعوذيه
فيهم الغيره لاتركبين مع اوبر
لاتكشفين لاتشتغلين ب أماكن مختلطه وحنا نعطيك الفلوس هم كذا افكارهم
لكن ابد مافيهم قسوه علينا حتى السواق جايبينه
لنا عشان بس مانروح مع اوبر احيانا يكون السواق
نايم واضطر اروح مع اوبر لان السواق ينام بدري
فهي تقول لا قولي رايحه ليش تخافين