انا اايدها بعد :icon18:
لان اليهال ماله داعي يروحون حفله وعرس :16:
والاخت اللي قالت يسوون لهم غرفه والعاب وهم اهما يبون يطلعون ويستانسون
اول شي الغرفه ماراح تشيل اليهال كلهم
غير الهواش والنجره :024:
وتعالي وكليهم وتعالي لبسيهم :f226:
رايحه تستانسين :icon28: والا تحاتين اليهال :(
صج هم اهما اوادم ويبون يطلعون ويستانسون حالهم حالنا بس عاد ينطرون لي ثاني يوم خو العرس مو كل يوم :39:
واي يوم ثاني تقدرين تودين اليهال يلعبون :3_10_6:
انا بصراحه اذا رحت عرس وفيه يهال ما يعجبني كلش كلش :angry2:

أنا لاأمانع من حضور البنيات من عمر11سنة
لأنهم ينبسطون ويفرحون ولايحوسون شئ
واما الأولاد إن كانهم صغار بيتهم أبرك لهم وأما من عمر 7سنوات وفوق مع أبوهم عند الرجال
بس عد وين الزواج اللي أنبسط فيه ولاأحصل فيه منكرات
الشكوى لله صرنا نخليها لله

اهلين..
انا مع الاخت (( تويتي)) بصراحه صعب تمنعين الناس وانتي ماتكونين قدوه يعني كانك تقولين انتو اولادكم مو متربين واحنا اولادنا متربين,,

انا بزواجي (( اخت زوجي 4سنين))ماجبناها تجنبا للمشاكل واخوي عمره3سنين برضه ماجبناه للزواج..خصوصا ان زواجي زواج اقارب..وش يفكك من الكلام والنقد ؟وش معنى فلانه جابوا عيالها واحنا لاء وتكبر وتعرض وووو ممكن توصل للرجال وتسبب مشاكل..

وحده من اقاربنا (( بالنفاس))مو زواج بس طالبه انو محد يجيب اولاده الصغار..بصراحه بيتها متكلف تحف واثاث وشغل متعوب عليه(ماشاءالله) المهم وحده الله يهديها خالفت وجابت بنتها
تقولون البنوتات هاديات ومامنهم شر صح؟؟ تلعب بالصاله وجزمتها سحبت مفرش عليه فازتين قيمه الوحده اكثر من 2 الفين..انكسروا طبعا
بس هنا؟؟ لاااااااااااا ((الام ولا حركت ساكن))حتى ليه ياماما ماقالتها..

البنات راحت عند الكاكاو هديه المولود وصارت تفكك علبه ورا الثانيه لوما الخدامه سحبتها كان كملت عالباقي الحرمه متكلفه فيهم العلبه ب24 ريال وهذي بزياره ساعه خربت كل شي..لااااااا وابشركم لها عين تقول:يوووه تصدقين خدامتك ذي شريرة شوي ماتحب الاطفال يلعبون..
بنات وش موقفك لو صارلك كذا؟؟ ماتنحرجين ماتتضاقين ليه احط نفسي بموقف غبي؟؟

بصراحه في اماكن كثيره حتى لو مو معلق عليها ممنوع اصطحاب الاطفال مفروووووووووووض الام تفهم انه (( ممنوع بديهيا))
الحقيقه عندي امثله كثيره ..اتركوا الزواجات على جنب..
محلات المواعين الاواني((ياما وياما نشوف التكسير))
محلات الملابس؟عادي اخذهم للسوق بس انتبه.. عيب اللي مارضاه للناس مارضاه لنفسي
يعني اترك طفلي معاه حليب شوكولا ولا شوكولاته بيده ولا ايسكريم يدخل المحل يلمس هالبلوزة ويمر من عند هالتنورة؟؟((انا ضدددددد انه نترك الاطفال بموقع الالعاب الملاهي لوحدهم او مع خادمه في المراكز التجاريه))

تجي وحده غافله ماتنتبه وتشتري هالقطعه((لو انتي مكانها وش وضعك؟؟))

وغيره وغيره وغيره..بس مليت واحس اني مشحووووووونه مره من هالموضوع لاني مجربه
بزوارتي بنت عمتي دعست على ذيل فستاني التل ((وانشق)) مالبسته غير ذاك اليوم..غير ان درزن بزران طلعوا معي بتصوير الفيديو..بس طول ذاك اليوم وزوجي يسال من هذا الولد وش هالبنت؟لمين هذول؟طلع بشريطي 5؟ولاااااا اعرفهم قرايبنا من بعيد((بس لانه نسينا نكتب ممنوع منعا باتا بعد خخخخخ))

فعلا انا عندي قرايب ماعندهم خدامات ..انا كمان ماعندي خادمه بسسسسس اشوف لي حد من اقاربي احط بنتي عندها ..

نسيت شي..كمان المستشفيات صارت نزهه عائليه الام وعيالها والخدامه((مدري رايحين الترفيهيه الظاهر)) واحد مريض يجي مع الام الباقين مرافقين؟؟ولا زياده زحمه وازعاج بالانتظار؟؟

أشكر الجميع على المشاركة.

لكن أختي الفراشة الماسية وشموخ وأنوار العمر الصيف قادم ومعاة الاعراس والمناسبات وش بتسوون ببنياتكم ؟؟!! أنا الصراحة عن نفسي محتارة وش بسوي ببنتي ؟! لكن بنتي فوق كل شئ

أنا نفس رئيك أختي ولأنه لازم تكون البنت مع أمها