@ وش راح تسوون اول يوم في العيد @

بالنسبة لي انا

ليلة العيد طبعا تجهيزات البيت وترتيب وكذا


يوم العيد زي اي يوم عادي البس واروح عند اهلي الصبح لانهم قريبين مني ونقابل بعض انا واخواتي

الحمد لله على كل حال لنا أكثر من عشر سنين ماأحد جانا في العيد ولا رحنا لأحد ( والله العظيم لو ماني خايفه أنكد عليكم كان حطيت مشكلتي لا مو مشكله واحده الا مشاكل وهموم الحمدالله على كل حال ((((( بدأت مأساتنا بسبب زوجة أبي وأنتهت في أخواني الي قلوبهم أقسى علينا من الحجر واحد فيهم يتعاطى الحشيش ومنكد علي عيشتي والله لو أشرب مويه حط فيني بلا وأن َ .. وأكبرهم حاطته زوجته خاتم في أصبعها لدرجة انها ماتبينا أنا وأمي نرووح لأحد عشان مانكشف نميمتها فيني وفي أمي غير التخطيط والتدبير وحيكة الأكاذيب لي ولأمي كل يوم مشكله وكل يوم أسمع كلام من هنا وهناك أتصدقوون لو أقول وش آآخر ماسمعت عني ماراح تصدقون ؟؟ ))))) يعني عندكم مثلاً البارح جت أمي ترووح السووق وخفت أجلس بلحالي وقلت يالله أرووح معك يومه المهم رحت من هنا الا وأخوي الثالث مو الحشاش ولا الي حاطته خاتم في أصبعها ( يوم شافني برووح انجن وانهبل الي يشوفه يقول مسكين بيعطيها فلوس تتقضى مدري على ايش شب نار علي في السياره المهم مرينا الصراف وسحبت انا وأمي من راتب الضمان الأجتماعي وطلعنا لسوق وقام يتشرط علينا مافي الا سووق واحد وكم محل وتطلعوون المهم السوق هذا الي نزلناها مافيه الا أشياء خاصه في الحريم الكبار يعني لغراض امي بس وجالس يحلف ويحنث علي مايوديني السوق الثاني الي القا اغراضي فيه طبعاً مسويها حرره فيني رغم أني والله العظيم وربي يشهد ان اخوي هذا ماأحد وقف معاه في الدنيا الا أنا لقا الهم والغم من اخوانه الكبار وماكان يدافع عنه الا أنا و و و الخ اشياء كثيره كنت اسويها له بس مابين في عينه المهم قلت يالله امشي وضعي من سوق العجايز اي شي آآخذه للعيد لو قميص البسه في الصباح وطوول الوقت وهو مطفشني يالله وياالله لين ماكرهت نفسي وكرهت حيااتي وكنسلت أشياء كنت بحاجتها ..................حسبي الله ونعم الوكيل كل مأئسآآتي في هالدنيا بسبب زوجة ابوي وأخوي وأخوي الحشاش الي طالعلي فيها ماخلو أحد الى وشهو سمعتي وسمعت أمي المسكينه لين بسببهم أعتزلنا الناس والخروج من البييت ومافي أحد يجينا الا يحطوون فيه بلا ووصلت فيهم انهم مايبون احد يجينا ولا يزورنا انا وأمي والمصيبه اذا احد جانا حطوو بلاوي الدنيا فيه وهم ماشاءلله المجلس عاامر لهم رجال يروحون ورجال يجون والمشكله ان اخوي الحشاش يجمع أخوياه في البيت لين ساعه متأخره من الليل طبعاً اذا كانو أخوانه مو فيه والله اني أشم ريحة شجائر الحشيش تجينا لحد غرفتي انا وأمي والله بعض الأحيان اني اجلس صااحيه لين الفجر خاايفه وبعض الأحيان اجلس انا وامي في الصاله نراقب الباب الي يودي للمجلس وهذا حالنا لين مايأذن الفجر وبعض الأحيان يدخل اخوي هذا الي يتعاطى وأشووف عيوونه حمر مو طبيعي اتصدقون وهو في هذا الحاله يحاول أكثر من مره يفتعل معي المشاكل على أتفه الأسباب والله لو ماني عارفه وضعه الي مو طبيعي كان تهاوشت معه ويمكن يجيب آجلي من غير وعي بنفسه بس دائم أسكت وأسوي نفسي ماسمعت شي منه وأروح ركض لغرفتي .... )))))))آآآآسفه أدري اني نكدت عليكم وهميتكم بس والله محتاجه أحد افضفض له ورغم كل الأحزان ان شاءلله ماراح أئئيس من رحمة ربي وان شاءلله بحاول اني افرح نفسي انا وامي وبسوي قهوه على حلى على شوية خرابيط وبحط السفره وبخر البيت وبنجلس على خطبة العيد وأذان العيد وياربي يكووون السديس ولا الشريم هو الي بيخطب مدري ليش اذا سمعتهم احس بلأمل والتفاؤل واني مازلت عايشه في الحياه وياااااااربي ياسامع الدعاء أفرج همي وهم كل مهمومه مسلمه على وجه الأرض وياربي ترزقني زوج صالح مثل السديس ولا الشريم0000000000000000000000000000000 .......... دائم أملي على نفسي العيد ليس بلبس الجديد العيد لمن طاعته تزيد

آآآسفه لصاحبة الموضوع لأني أسترسلت في مشكلتي والله ماحسيت في نفسي جلست أكتب وأكتب ومابعد وصلت الا في ربع همومي ومشاكلي

في الغربة مع اولادي و الهاتف خدام طول اليوم


فراشة النهر الله يرزقك زوج صالح يعوضلك كل اللي فاتك من الاعياد
و تكون ايامك كلها اعياد معه

الله يفرج همك ياغاليه ويرزقك الزوج الصالح اللي يعوضك عن كل هم ويوفقك دنيا واخره وكل عام وانتي بخير وصحه وسلام وعليك بالدعاء والاكثار من الصلاة في جوف الليل والله يقبل منك ومنا صالح الاعمال