السلام عليكم ورحمة الله وبركاته
حبيباتي انا متزوجه لي شهر واكمل سنه
فابغى اقولكم عن وضعي وطريقة تعاملي مع اهل زوجي واشوف رايكم فيه
بس ياليت الي يردون يردون بعقل ومنطق ومن دون احتجاج او تعصب
انا عايشه مع اهل زوجي في غرفتين وحمام وانتوا بكرامه
وزوجي عايش في منطقه غير يشتغل هناك
وانا عايشه مع اهل زوجي عشان الكليه لاني استنى زوجي ينقل بس للحين مانقل
توقعته ينقل بعد 3 شهور من الزواج او اربع اثره جلس سنه وانا ماعاد فيني تحمل ولاصبر كرهت نفسي وحياتي
انا عايشه مع امه التعبانه ومع جدته الكبيره بالعمر في بيت وابو زوجي في بيت جنبنا بس عند زوجته الثانيه
عندنا ببيتنا شغالتين وحده للبيت ووحده لخالتي التعبانه
خالتي دائما في غرفتها تعبانه وتجلس ع التلفزيون اجي امرها واجلس خمس دقايق واطلع
الصراحه ماحب اجلس معها كثير لانها دائما تقعد تمدح في نفسها وفي بناتها وانهم جيدات وراعين طبخ وخرابيط
انا بنت عمري 19 سنه توني تامتها وماعرف اطبخ ذبايح واللحم يعني الي اعرفه الاشياء العاديه الي تكون بالدجاج
يعني اطبخ كبسه وهالاشياء الاساسيه في كل بيت لكن طبخ العزايم وطبخ الرجاجيل ماعرفه
وبناتها بيني وبينهم عمر كبير بيني وبين اصغر بنت لها 7 سنين وتقعد تقارن بيني وبينها يعننا انها زوجت بنتها وهي تعرف تطبخ الذبايح مع انها مازوجت بنتها الا بعمر 27 وانا متزوجه وانا عمري اصغر 17 ونص
وتقعد تقارن بيني وبينها بالطبخ وانا اصلا زوجي مو ساكن معي بالدوام عشان يشتغل ولااشوفه الا كل 3 اسابيع وكذا
عشان كذا مااطبخ يعني بالاسبوع الا مره واذا دخلو المطبخ ادخل معهم اساعدهم والله اني ماتركهم
وهم اصلا طبخهم ع الشغاله بس يجون لما يجي ابو زوجي يروحون للمطبخ يعننهم طبخوا وهم اصلا الطبخ كله
ع الشغاله بس اسم ان هم دخلوا المطبخ هذا اذا حمواتي جايين لبيتنا
وانا عشان الكليه تطبخ لي الشغاله الغدا واجي اتغدا وارقى لغرفتي انام وبيتنا فاضي ومافيه احد ويجيب الهم والاكتئاب
تكرهين نفسك لاعشتي فيه كانه سجن خالتي ماتطلع ابدا فعشان كذا ماطلع انا ومرت خالي الثانيه كل يوم طالعه السوق
بس ماتستحي ماعمرها جات واسالتني اذا محتاجه شي ولاشي لان انا زوجي مو عندي ولاعندي احد يقضي لي اغراضي وكم مره طلبتها اذا بتطلع بس ابغاها تصور لي اوراق تقول بشوف مادري يمكن اطلع او لا
والله صديقاتي هم الي يشترون لي اغراض الكليه معهم مع ان حنا عندنا سواق بس مره اتصلت ع خالي اساله
اذا ممكن اطلع اروح المكتبه وامر السوق شوي بس فصار يصرخ بوجهي وزي كذا يعني فحرمت اني اكلمه او اركب السواق
فصرت اكره حياتي سبتهم صرت اجلس بغرفتي واطالع التلفزيون حتى الاكل ماعاد اشتهيه والله ساعات ودي اموت
وقسم بالله كرهت نفسي صرت احس ماعندي احساس ولاعاد لي قلب من كثر ماحس اني مكتئبه
فصرت عادي معهم ولاعطيهم كثير وجه يعني اجلس اسولف واضحك بس موطول الوقت
ولما يجون حمواتي اضحك معهم واسولف وهم نفس الشي بس لما يجي ابو زوجي يقعدون يمدحون في نفسهم وفي طبخهم وانهم سنعات وزي كذا يعني الكلام لك واسمعيه ياجاره ويقعدوون يقولون والله حنا في بيت ابونا مافيه احد يطبخ وزي كذا وانا اذن من طين والثانيه من عجين ولايهمني كلامهم اصلا بس انا الي يهمني ابو زوجي كيف صار حاقد علي شوي من ناحية الطبخ والمطبخ وام زوجي مرررررررره حاقده علي من ناحية الطبخ
خير ان شاءالله يعني انا وحدة زوجي مو ساكن معي ماني ملزومه بضيوف ابو زوجي الي عنده مره ثانيه
بس انا عشان خالتي تبغاني اطبخ عشان تترزز عند ابو زوجي يعنن انها طبخت ماتبغى يعني يشيل يده منا
وياليت اذا بطبخ بتعلمني او يعني بتشرح لي لاماتبي تبغاني انا الي اخطط واسوي كل شي وهي تقعد تنتظر زوجها لما يجي
وياليت لما يجي تمدحني او تقول فعلت وسوت لاماتقول ابدا من النحاسه بس اذا طبخوا بناتها وهم في بيوتهم تقعد تمدحهم وتتكلم فيهم ولاتخليني اكلم اببو زوجي او ابتسم له ع الاقل اول مايطالعني تقعد تمدح في بناتها وزي كذا
اخر مره جوا بناتها وقامت علي ماتداني شي مني اصلا لو اكلمها بتنذخ علي من عيونها يبين مرره حاقده
ولاجلسنا ولاشي لازم تمدح في بناتها ولازم تغلوا في المدح وانا عادي مطنشه مع ان لاصارت عزيممه ولاشي
في بيتنا قعدت اساعدهم صحيح ماعرف اطبخ طبخ كبير بس اروح واجي ع الطبخ واسنع المواعين وزي كذا
بس مع ذلك مو عاجبهم ولاحتى يقولون ان انا ساعدتهم ماهمني يقولون بس بامكاني اسحب عليهم ولااتغدى معهم
مادامني ماني متغديه مو لازم اساعد كذا لين يعرفون قدري بس انا مطنشه بس هم يسوون انهم ماسكين سالفةالطبخ علي
وهي اتفه سالفه وانا لما يجي زوجي والله ماقصر بحقة من ناحية الطبخ ابدا اسوي له كل شي يشتهيه ولااسوي الشي الا باختياره
والله اني لما اجيب له العشا او الغدا يجلس يحب يديني ومبسوط مني مرره ويحبني مره ولله الحمد ويعرف طبع اهله وكل شي وهو متضايق منهم بس وش نسوي
وانا مادام رجلي راضي علي ومبسوط انا مرتاحه
يلزم عليك تسجيل الدخول أولًا لكتابة تعليق.
الفجر البـــعيد
•
اب
شوفي اختي هياء خلي معاملتك معهم زينه وسطحيه وني مضطره تجلسين عندهم عشان الكليه ولا كان اقولك روحي مع زوجك اصبر الصبر كله خير واهم شي زوجك مقدرك ويحبك حافظي عليه وتقربي لامه لا ينقلب عليكي وثقي بنفسك وشدي حيلك بالدراسه وفي الاجازات روحي معاه لاتخلينه لحاله وموفقه اختي هياء
الله يعينك؟؟؟؟
مدري شقولك؟
كم باق يعلى دراستك؟
وليش طيب ماتروحين ببيت اهلك افضل؟
ووشلون زوجك مخليك بدون محد يشوف طلباتك على الاقل لو سواق تستأجرينها تخلصين اشغالك؟
فيه اشياء ماوضحتيها
وبصراحه لو انا مكانك اقول اترك دراستي اللي بتخليني عايشه هالعيشه مؤقتا
روحي مع زوجك واذا نقل ارجعي كملي دراستك
مدري شقولك؟
كم باق يعلى دراستك؟
وليش طيب ماتروحين ببيت اهلك افضل؟
ووشلون زوجك مخليك بدون محد يشوف طلباتك على الاقل لو سواق تستأجرينها تخلصين اشغالك؟
فيه اشياء ماوضحتيها
وبصراحه لو انا مكانك اقول اترك دراستي اللي بتخليني عايشه هالعيشه مؤقتا
روحي مع زوجك واذا نقل ارجعي كملي دراستك
احلا كلمه ذكرتيها
وانا مادام رجلي راضي علي ومبسوط انا مرتاحه
ماعليج منهم و ربي يفرج همك و يردلك زوجك عاجلا غير اجلا يارب العالمين
فترة و تعدي
وانا مادام رجلي راضي علي ومبسوط انا مرتاحه
ماعليج منهم و ربي يفرج همك و يردلك زوجك عاجلا غير اجلا يارب العالمين
فترة و تعدي
الصفحة الأخيرة