وش رايكم أولد عند اهلي والا ؟

مرحبا

انا اخذت يوزر (نبع الحب) الله يعافيها عشان اخذ رايكم في سالفتي وياليت تشورون علي

انا متزوجه من ارمل,, حامل وعلى وشك ولاده تقريبا على العيد و اهلي في جده وانا بالرياض

وامي تبيني اولد عندها وزوجي راااافض يبيني اولد عنده وبصراااحه ماااااودي ابدا

تعرفون النفاس وحوسته خصوصا اني بكريه ومااعرف للبيبي وووو

امي زعلت مني لما عرفت ان زوجي رفض كلمتها وقلت لها انه راافض

وقالت اذا غيرتي رايك وقررتي تجين عندي كلميني:44::44:

ماادري وش اسوووي وش رايكم والله حاولت معه اكثر من مررره بس مافاد

وامي مستحيه تكلمه تقول انتي اقنعيه وبس

بس هو مصررر على رايه يقول ودي اتعيد مع بناتي وامك تجي عندك:mad:

خصوصا مافي البيت الا انا وياه وبنته

وش رايكم لو انكم مكاني قولوا رايكم بصراااحه بتقنعون ازواجكم اكثر والا بترضون ؟؟

وامي الله يسامحها زعلت مني :icon33: واخاف ماتجيني اذا ولدت عند زوجي وانا ابغاها :icon33:

ولازالت المحاولات جاريه في اقناعه :)