وش رايكم اتطلق من زوجي؟

اكتب لكم وانا في قمه حيرتي وبحكيلكم قصتي واتمنى القى الحل المناسب وانا ما كتبت هنا الا وانا فعلا ابي حل واذا ما فيه حل بتطلق لاني ماني طايقه العيشه معه

اولا انا تزوجت من ثلاث سنوات ونص وعندي طفل عمره سنتين الله يحفظه الولد ذا انا اموت فيه بيننا علاقه حب بشكل غريب احس اني غير كل الامهات في جنوني لحبي لولدي طبعا ما عندي الا هو السالفه زوجي من اول ما تزوجته وهو مو قد المسؤوليه كان يطلع مع اخوياه كثير اول ما تزوجت ولا يصلي ولا كان يصوم ويدخن ويحشش بعد ويا كثر ما ضربني اول زواجي وقد خلاني بالشارع باب الشقه مقفل يروح يخوفني ويرجع يفتح لي الباب هذا كله في السنه الاولى كنت طبعا ابي اتطلق بس اهلي قالو اصبري عليه طبعا زوجي يحمل الشهاده المتوسطه وراتبه الفين فقط يعني عايشيين على البركه المهم صبرت عليه وجبت منه ولد طبعا بعد ما صار عمر ولدي خمس شهور صديق زوجي اللي كان يعطيه الحشيش وكان صايع يستخدمون شقتي علشان يجيبون خوياتهم ويقلبون الشقه بار شراب وبنات وحشيش صديقه تاب وراح الحج وترك كل الخرابيط وحتى ترك زوجي المهم انا لان وضعنا المادي جدا صعب وهو دايم اهله ذالينه علشان يعطونه فلوس اذا طفر وانا ياكثر ما احتجت واهلي ما يقصرون يعطوني بس احتجت للوظيفه ودي اعيش ولدي حياة حلوه زي الناس ودي ما اقصر معه جاتني دوره تدريبيه واخذتها طبعا لان فيها اختبارات اضطريت ارسله ولدي عند امي للغربيه وطبعا انا بالرياض جلس عند اهلي شهر وانا قلبي بيتقطع عليه والله اني نحفت مره من بعده الين خلصت الدوره التدريبيه وبعدها رحت لاهلي وجلست عندهم اسبوع علشان ازورهم واشوف ولدي بعدها دقو علي للوظيفه طبعا وكان وقتها قبل رمضان باسبوع تركت ولدي وانا بموووووووووووت من فراقه لكن غصب عني ما عندي احد بالرياض مدري وين احط ولد اهل زوجي ما يبونه للاسف والمشكله اذا راح عند اهلي قالو جيبوه حنا اهله واذا جبته عندهم ما استحملوه ولا حتى يرضون اجيب له شغاله كله علشان بنتهم متزوجه وزوجها مو راضي يجيب لها شغاله مع انها مو موظفه المهم رجعت للرياض وداومت الى 28 رمضان يعني صار لي عن ولدي شهر واسبوع ما شفته حتى اذا كلمني ولدي بكى وقال ماما تعالي والله اني اكلمه وابكي معه بس وش اسوي الظروف الصعبه المهم الحين انا جبت ولدي معي للرياض اليوم اول يوم دوام طبعا الصبح حطيت ولدي عند اهل زوجي طبعا هم لهم عنه ثلاث شهور ما شافوه قلت يمكن يرعونه ويحبونه طبعا جهزت له كل شي من رضعه واكل وحفايض الله يكرمكم ونزله زوجي عند اهله ووداني الدوام طبعا هم ما استحملوه وربي يا بنات ان قلبي تقطع على ولدي مسكين جاني بيموت جوع وحفاضته من امس ما غيرو له ولا اكلوه يا ويلهم من ربي زوجي انقهر مني وقال لي ارسليه لاهلك وخليه عندهم وانا اقترحت اجيب لولدي شغاله مؤقته لو ادفع لها نص راتبي مع ان راتبي جدا بسيط بس ابي اشتري راحتي طبعا زوجي رفض وخيرني اما ارسله لاهلي ويجلس عندهم6 شهور او اترك الوظيفه او يطلقني يقول اطلعي من بيتي ما ابيك هذا غير التهزيئ اللي سمعته قولو لي وش الحل لاني بمووووووووووووت من الحيره والقهر
واذا عندكم اي اسئله او في كلامي غموض اسئلو تكفون ساعدوني محتاجه لنصايحكم