ممكن تقولين هالعماره في اي حي
سعرها على وصفك رائع جدا
انا اقول دورين احلى احس نظامها مرتب وجديد

ممكن لو سمحتي وصف المكان او رقم تلفون لمكتب العقار المسئول على الخاص ومشكوره

فديتكم والله

العماره بحي الصحافه او بالاصح الياسمين بس المتعارف عليه ان اسمه الصحافه شارع انس بن مالك

وبصراحه على مواصفاتها تستاهل 50 الف بالراحه مره تجنن انا يوم شفتها انهبلت اروح لها باليوم يمكن ثلاث مرات لاني ساكنه قريب منها الحين وعلى طول عطيناهم عربون على الشقه ام دورين بس خواتي يوم شافوها قالوا لي خذي الدور احسن ومره احترت

حبيبتي أنا شايفة أم دورين أحسن وفيها سطح وحوش حتى لو مساحتها صغيرة بس فيها هالمميزات خاصة أن عندك شغالة ماتقلقك وكل شوي تمر قدامك أنتي وزوجك وتقدرين تخلين الشغالة تنام تحت وتكون غرفة المعيشة حقتك أنتي وزوجك فوق علشان تلبسين وتاكلين وتسوين اللي تبين على راحتك ماتراقبك وتصكك بعين ( وحدة عندها تجربة ) ومن ناحية ضيق المطبخ خلي الثلاجة والغسالة في الغرفة الملحقة فية وحطي طاولة أكل في أي مكان برا المطبخ وغرف النوم الصغيرة ماأعتقد أن كبرها بيفيدك وأنتم عائلة صغيرة وأذا أضطريتي حطي لعيالك السرير الدورين ودولاب الملابس يكون مثلا تفصيل على حجم الجدار اللي في الممر حق غرفتهم أوفي الموزع عند الحمام ....

وأهم شي اللأستخارة كم مرة ......

الله يجزاك خير اختي جميلة وربي وسعتي صدري بكلامك والله يكتب اللي فيه الخير