دموع السنين11 @dmoaa_alsnyn11

عضوة فعالة

وش رايكم ادخل زوجي بالموضوع والا لاااااااء.؟؟؟

بنات انا اليوم ضاااااااايق صدري حيل من تزوجت وزني زايد مره بشكل ملفت للناس اني زايده اكثر من اول والله هالشي مسبب لي قلق وفشيله عندي كل من قابلته :(

انا موراضيه على نفسي بس ولو شسووووووي مستحيل استمر على رجيم وانا فيني فقر دم علطول ادوخ واطيح

المهم المشكله هي ان اهلي صايرين يتكلمون علي اول سنه زواج وانا اتضااااااايق حيل لكن اكتم في نفسي وهذي هي السنه الثانيه لي من زواجي وهجدووو ماعاد قالولي شي مع اني صرت زايده اكثر من اول

المهم وصلني كلام ان اخوي الكبير يتكلم فيني واني زايده كثير ليه كذا ويقول لامي هالكلام وقدام اهلي بعد
:eek::angry2: انا انقهرت ورحت اصيح عند زوجي قال خلاص انا رح اكتب له رساله ان هالشي مايخصه زاد وزنك او نقص

صراحه متردده للآن اخليه يرسل لاخوي الرساله او اسكت بس زي كل مره لكن ان امااحب انه يتدخل فيني خلاص انا متزوجه ومعليه مني حى عياله يتكلمون فيني ويتريقون علي بينهم وبين بعض انا صراحه انقهر وابي اوقفهم عند حدهم متردده اخاف ياخذ موقف من زوجي اوشي وش رايكم افيدوني

احيان اقول اسكت واعديها زي كل مره واحيان اقول لا لازم احد يوقفهم عند حدهم :angry2:

ياليت ترشدوني واشكركم

يلزم عليك تسجيل الدخول أولًا لكتابة تعليق.

تسجيل دخول

بااااااونتي • 15 سنة

انا من رأيي تخلين زوجك يكلم اخوك بس باسلوب تفاهم مو هواش ويقول ان فلانه متضايقه انك تدخل بوزنها ورجاء مابي اي احد يتدخل بزوجتي او يجرحها بكلمه .......................ونصيحه لاتتعاملون برسايل مع اخوك لان الكلام يروح ويجي وممكن ينسى اخوك لكن الرسايل لا كل مانسى السالفه تذكره رسالتكم
واتوقع اذا دخلتي زوجك بالسالفه بتصير لك هيبه وبيراعون شعورك ويخافون يجرحونك

hash hash • 15 سنة

لا تدخلين زوجك في الموضوع ولا شي .
وإذا رحتي عندهم خليه يمدح وزنك ويبين انه يغليك لشخصك مو وزنك وينتقد بشكل عام اللي يهمهم الوزن والشكل , وبالمرة يألف له قصة ويقول في ناس قالت ليه وزن زوجتك زايد و قبيت فيها وقلت محد له شغل في زوجتي ولا أسمح لأحد يتكلم عنها بأي شي ..

وأخوك بيفهم و بيسكت بدون مشاكل ..
والله يزينك في عين زوجك ويوفقك يارب

pink fo0ofo0o • 15 سنة

لاتعليق

الشموخ عنواني • 15 سنة

بااااااونتي :

انا من رأيي تخلين زوجك يكلم اخوك بس باسلوب تفاهم مو هواش ويقول ان فلانه متضايقه انك تدخل بوزنها ورجاء مابي اي احد يتدخل بزوجتي او يجرحها بكلمه .......................ونصيحه لاتتعاملون برسايل مع اخوك لان الكلام يروح ويجي وممكن ينسى اخوك لكن الرسايل لا كل مانسى السالفه تذكره رسالتكم واتوقع اذا دخلتي زوجك بالسالفه بتصير لك هيبه وبيراعون شعورك ويخافون يجرحونك

انا من رأيي تخلين زوجك يكلم اخوك بس باسلوب تفاهم مو هواش ويقول ان فلانه متضايقه انك تدخل بوزنها...

وش دخل زوجك انت هزئيه

الصمت حكمـة • 15 سنة

يا اختي ماتكلموا الا لمصلحتك الحقي عمرك ولاتخربين نفسك يمكن زوجك اللي شاده الظهر فيه يقول لك بعد كم سنة ترى اذا مانحفت باتزوج , انت سكتي اهلك كلهم وانحفي وانبسطي بعمرك ولبسك وشكلك ترى السمنة تخرب الحرمة كثير ...