وش رايكم اسوي طفل انابيب اولا؟؟

مرحبا خواتي

مبرووك عليكم الامطار..

مشكلتي ياطويلات العمر:::

متزوجة من ثلاث سنين وداخله الرابعة..

عندي ضعف بالتبووويض..والحمدالله لما اخذ منشطات يصير كل شي تمام..

وبعدين لما سويت تحليل مابعد الجماع قالت لي الدكتورة ..انه الحيوانات المنوية تموت بالمهبل عندك اجسام مضادة.. وقالت لي يمكن عشان عندك التهاب الحين بالمهبل..المهم كل شهر يخربطوون علي الدكاترة بمشكلة..

وزوجي تقريبا سليم..تحليله الاول كان عنده شوية ضعف..بس الحمدالله لما ياخذ ادوية الفيتامينات يصير احسن


طبعا بالبداية اخذت المنشطات لمدة سنتين وربي ماكتب حمل

بالسنة الثالثة..سويت مرتين تلقيح صناعي ونفس الشي..ماحملت..

جربت اروح لمشايخ..كلهم يقولون عين..وقرات عندهم..واستخدمت كل شي عطوني اياها

بس ظلت حالتي نفس الشي

وانا طبعا ماقصررت اقرا سورة البقرة..واستغفر الله.

يعني بالعربي مابقى شي ماسووويته..

واحس نفسيتي مرررررة تعبانة ونظرات العالم تذبحني..وانا ينكسر خاطري على نفسي

اتمنى اصير ام..

طبعا زوجي من النوع العنيد..يعني التلقيحات الصناعية سويتها بعد حرب معه:30:

الان فكرت بطفل الانابيب..حسيت ان عمري يروووووووووح وانا نفسي محلي ماتحركت..!!

وتعرفون الرجال..لو يصيرعمرهم سبعين يعرسوون ماعندهم مشاكل ويجيبون عيال.

يعني الررجال ماينضمن :(

طبعا انا الى الان مافتحت مووضوع طفل الانابيب معه


فحبيت استشيركم..

وش رايكم..

ارجع اخذ منشطات مرة ثااانية..انا لي ست شهور او اكثر موقفة عنها؟؟لان زوجي تعب من روحة المستشفيات ومن الحالة المادية استنزفتنا الادوية كثيرررررررررر:( مع انه والله كل شهر يمر علي احس اني بموت من ضيقة الصدر وتأنيب الضمير انه مر علي شهر وماسووويت شي..بس غصب عني:(


ولااسوي تلقيح صناعي للمرة الثالثة؟؟

ولا اسووي طفل انابيب؟؟!!

وكم تكلفة عملية طفل الانابيب؟



بانتظاركم