اقول لا تشترينها

صح مميزاتها تغري بس لو انها زينه كان فتحوا لها محلات وصاروا يبيعونها على المكشوف مو يجيك مندوب لأنهم بهذي الطريقه يستوردونها بالحبه ولما تروح يجيبون غيرها لأنهم عارفين انه ما احد راح يشتريها بها السعر

وش ذا السعر 7 الاف حشا مو مكنسه ذهب

انصحك لا تشترينها

فيه وحده اعرفها شاريه مكنسه ب5 الاف ومركونه بس وش تسوي المكنسه ما ادري

وتعرفين انا يالحريم لما نشوف شي يطير عقلنا معه ولما نتملكه شوي ونمل منه

وشوفي الاخت كلام الروح وش تقول على اللي عندها تتملل تستخدمها

وها السبعه الاف استفيدي منها وتصدقي ببعضها احسن لك من انك تعطينها التجار اللي يلعبون على الناس

وبعدين طول عمرنا والناس كلهم عايشين في جو الرياض ونصهم فيهم حساسيه وربوا وما شافوا شر ولو تشترينها بتنظفين فيها ممكن في الاسبوع مره وباقي الاسبوع راح تنحشرين بالتراب اللي انت خايفه منه صح ولا لا.. لان الجو في الصيف كل يوم مغبر وبعدين الكنبات اللي تقولين نظفت اصلا ما راح يخرب لونها الا اذا طولت وفي ذيك الحاله يصير انتهت موضته ولازم تغيرينه
واذا كان جديد غطيه بقماش يحفظه من التراب وتغير اللون

فيه جهاز لتنقيه الجو وترطيبه انا عندي منه تلقينه في المحلات الطبيه ولا محلات الاجهزه الكهربائيه ارخص لك

والله يوفقك لما فيه الخير

اختك الناصحه والمحبه الــــــحلوة

وانا مع كلام الحلوة...اصلا هذولا نصابين وحاولي يجون عندي وانا رفضت..حتى محل ماعندهم
لو فعلا هي تستاهل كان شفتي دعايه كبيرة ولقيتيها بكل مكان...لكن ذولي يغرونك بالهالكلام..وبعدين لما تطيح بجبدك خصوصا ان مالها وكيل ولا شي يعني لو سكروا مكتبهم وين بتصلحينها؟ ضمان 15 سنة لكن هالمكتب بيستمر 15 سنة؟؟؟

ما انصحك فيها ابدا جربتها ....ولي رجعة

احس لو اننها وشو ماتستاهل 7 الالف .. ؟؟

ماعرفها بس برضو غاليه ؟؟

يا اختي خذيها نصيحة ولا تشترينها لأن مهما كانت فايدتها بالآخر هي مكنسة مو شي صعب توفره او انها تسوي شي خارق بالعكس انا جربتها عند اهلي وهم اشتروها قبل 4سنوات بنفس المبلغ ومعاها طقم قدور زي ماقلتي لكن اول شي تاخذ مساحة كبيرة وقطعها كثيرة وتنظف زي المكانس العادية اللهم انها تتعبا بالموية وهذا الشي متعب احسه اما الروايح فهي عادية زيها زي معطرات الجو الرخيصة وسعرها مـــبـــــــــالغ فيه مررة بس اهلي اشتروها لأن الوالدة كان عندها ربو وقعد المندوب يمدح فيها لمرضى الربو.....دعاية طبعا...لكن الحقيقة ماهي عملية ابدا لأن سعرها بسعر ثلاجة وغسالة وفرن بعد لوتبغين