وش رايكم بالخطبة عن طريق المنتدي

مستحيييييييييييل اوافق

بكل سهوله اعطيها رقم ابوي يتفقوون معه

بس يااختي نصيحه مافيه مثل اللحم والدم

ماايد تطلعين برى العايله الا اذا النصيب صابك هذا شئ ثاني


ترى زمنا هذا يخووووف وانتي ماتدرين عن ماضي الرجال

والله بنت خالتي خطبها واحد مانعرفه بس كانوا جيران جدتي من زماااااااان

وكان يبي كل شئ سريع سريع

ماادري وش اقوووووووولك طلع مو اوكيه ولاكفو يسكر وشكاك وحالته حاله

انتبهي ترى الزواج مو لعبه لاتطيحين الا في ناس والنعم فيهم

وانتبهي لااحد يلعب عليكي يالغلا

لو انك قايله خطابه يمكن بس منتدى ماتدرين مين الصالح مين الطالح ؟!

كلا بيدخل ويكتب اللي في راسه

وبعدين كلامها مو مقنع وش اللي اعجبت باسلوبك من متى تعرفك

الانسان مايعرف معدنه الا بعشرة العمر


واخيرا ""استخيــــــــــــــــــــــري""

وبالتوفيق

انتي عطيها رقم ابوك

وانا اشوفها عادي جدا ...لان المنتدى حاله حال غيره هو الوسيله اللي اجمعتكم فقط

مثل لو انخطبتي عن طريق جاره او صديقه او خطاابه ...كله واحد


لان السالفه ماراح تكون خبط لزق لالا اكيد بتسالون عن الولد وهم بيسالون عنكم ..


فالمنتدى هو اللي جمعكم ..

والنت يجمع الزين والشين ...


كثير اللي تزوجو عن طريق خطابات وزواجاتهم ناجحه وكثير ايضا تزوجو عن طريق خطابه وفشلت زواجاتهم ..

الطريقه مالها دخل في تحديد الزواج هل هو ناجح او فاشل ...هو الطريق اللي جمعكم فقط

وبالاخير الزواج قسمه ونصيب ..

ضدددددد هالشي
لا اعرفهم ولا يعرفووني ليه اخذ منهم
عممووما استخيري والله يكتب لك اللي فيه الخير.

مادري ياقلبي احسه صعبه وين اكيد الي بيخطب له شروط وش لون عرفت انو الشروط الي يبيه فيك

انا اقول استخيري

عليكم السلام ورحمة الله

والله المشكلة يا أختي مو في طريقة الخطبة
المشكلة في هذا الرجال اللي ما تعرفوا عنه شيء ولا تعرفوا أهلهم

وممكن أصلا تكون اللي تسألك عن معلوماتك مو بنت
لازم تشطحي بتفكيرك لأن في هذا الوقت ما صار شيء موثوق ولا مأمون

وأنا لو مكانك راح استشير أمي وأبوي لو ممكن
هذا في حال موافقة إنت

وطبعا راح تكلم واحد فيهم لو صادقة


وعلى العموم ما أنصحك بهالطريقة
والله يكتب لك اللي فيه الخير