وش رايكم بالزوج اللي كذا 😒👊🏻

وش رايكم بالزوج اللي كل همه طلعاته وروحاته وشغله واشغال بيته اخر شي ي بنات تعبت من الكلام والله تعبت صار فيني تبلد وبنفس الوقت انقهر يعني زوجي كسول كسول مره مره بأغراض البيت واغراضي بس بأشغاله واغراضه مافيه اشطر منه يعني انا ملابسي واغراضي اغلبها اون لاين مايقصر بالفلوس ابداً يعطيني بالالوفات ومعاملته مره كويسه اتكلم من ناحية الاسلوب والاحترام بس مشكلته بأغراض البيت والله ي بنات مثلاً مكنسه تخرب عادي يقعد شهور مايسويها وكل يوم يأجل فيها اللحين انا بدون مكنسه لي ٦ شهور متخيلين ! والله العظيم ٦ شهور اطلبه وكل يوم يقول بعدين بتقولو لي اطلبي اون لاين فيع اشياء ماتنطلب يعني انا شايله اللحاف حق السرير احسه خلاص لي فتره ماغسلته وشايله زولية الصاله مره وصخه وربي ٣ شهور اطلبهم يوديها الغسال يأجل فيهم والمكوى عندي طفشتني البخار كسرت يدي كل يوم يقول بعدين بعدين هذا ربع الاشياء تدرون وش المشكله هو عنده اشغال كثير يقوم العصر يروح لشغله ويخلصه بعد العشا بعدها يروح لاخوياه يرجع اخر الليل اللي يقهرني اقوله اليوم العشا تعال نخلص امور البيت يقول طيب وفجاءه ادق عليه يقول معزوم وربي لي ٤ ايام على ذي الحاله كل يوم كذا يقول خلاص اوديك ولما اكلمه يقول والله حبيبتي معزوم يعني مايراعي اني لي ٤ ايام انتظره !!! بتشوفو ان اشيائي تافهه بس تنقهري لما يكون عندك عبايه لك مشتريتها ٧ شهور ماتودت للخياط !! تنقهري لما تقعدي بدون مكنسه ووقتك كله تكنسي باليد وهو اموره كلها يسويها يجي اخر الليل معاه كيس رايح السوق مشتري له ملابس !! اول قلت خليني ما ازن صرت اتكلم معاه كل بعد ٣ ايام اقوله ودي الفرش ولا حياة لمن تنادي هالمره قلت والله لا احطه قدام الامر الواقع واقوله ترى انتظرك وهذا انا لي اربع ايام على هالحاله يوعدني كل يوم ادق عليه يقولي انعزمت وامس تهاوشت معاه وقلت بكره تفضى لي مالي دخل مو معقوله والله ي بنات حتى تمشيات لي انا يمكن ٣ شهور ماطلعنا تمشينا انا وهو !!! كل ماقوله يقولي بكره المهم العصر قلت اليوم مالي دخل بعد العشا انتظرك نودي الفرش ونطلع نتمشى قال ابشري واللحين ارسلت له صار يضحك قلت وش معزوم قال ايه قلت وبعدين قال دقايق بس اخلص شغله وادق عليك ومتأكده راح يدق علي يقول والله انعزمت وش اسوي معاه ؟؟؟ تعبت وربي الكعبه اني طفششششت كل مشاويري وامور البيت تتأجل حتى مقاضي البيت بطلعة الروح يروح لها واذا راح يجيب مثلاً خضره وبعدين يقول انا وانتي نكمل الباقي بكره وهذا لي فوق اربع ايام انتظر الباقي يتكمل !! وحتى لما يطلعني يبغى بسرعه بسرعه عشان يطلع مو معقوله العزايم مايقدر يتركها اللحين لو كلمني وش اسوي معاه لاني والله العظيم طفششششت