وش رايكم بالزوج للي يقول الزوجنة

هو صادق مايحك جلدك غير ظفرك

هذا معناه انه انسان مسالم
واهله عين وانتي الثانيه وصعبه يزعل اهله عشانك وصعبه يزعلك عشانهم فمن البدايه طلع نفسه
ومثل ماقالك خوذي حقك بنفسك ولو جو اهله يشتكون منك قالهم مالي دخل عندكم شي قولوه لها ولاتدخلوني

بس ذكريه وقولي ترا موب اذا جا احد وقال فلانه قالت تجي تنفض روحك علي تراك انت اللي قلت لي خذي حقك


وانتي مالك ومال وجع الراس اشوف ان الحقران يقطع المصران
يعني خلك ع الصامت وياجبل مايهزك ريح
بعض الناس ان شافو انك تطيرين من كلمه ينبسطون ويستغلون هالشي عشان يستفزونك
لكن ان شافوك ماهتميتي ومعطيتهم اشكل مصيرهم بيطفشون ويملون



ونصيحه لوجه الله
لاتجيبن طاري اهل زوجك عنده ولايصيرون احسن منك
لان الرجال لو ماحكوا تراهم ماينسون واقل كلمه بيقولها هي دايم تتكلم باهلي وهم عمرهم ماجابوا طاريها ولا اشتكوا منها
لو كنتي غاليه وتسوين عيونه تراهم اهله ومايرضى عليهم حتى لو كانو غلطانين


طنشي وانا اختك

عادي هوا رجال ومايبغا يدخل بالحريم لانه الصراحه اشوف الررجال اللي يدخل بين الحريم تافه وشكله سخيف
وحطي نفسك مكان اخواته وامه تخيلي اخوك يجي يدافع عن زوجته حتى لو انهم غلطانين شي ممكن يخليهم يكرهوه ويكرهوك
المفروض تدافعي عن نفسك وكل انسان عنده لسان يدافع عن نفسه فيه الا لو كانو يضربوك وانتي ماتعرفي تدافعي عن نفسك

احسن من يقول اهم شي اهلي لاتزعلينهم

السكوووت يقطع الحقران اسكتي ترا ما يهاوش الا الناقص