وش رايكم بالمفاجئة اللي لقيتها بحساب زوجي

خواتي ابغى نصيحتكم لأني اثق فيكم بعدالله والله يفرجها لي ولكم
أنا مصدومه بعد مافتحت حساب زوجي في النت عن طريق مباشر الأفراد وشفت من ضمن المستفيدين ( يعني أسماء الأشخاص اللي حول لهم مبلغ مالي ) اسم امرأة رباعي من عائلة معروفة لكن مااعرف عنها هي شخصيا أي شي لكن بعد مابحثت عن اسمها في النت لقيت تلفون ثابت باسمها وكلمتها لاني ماحبيت اظلمها وسألتها عن سبب وجود اسمها من ضمن الأسماء اللي تم التحويل لها وقلت ان االشخص هذا اللي حول لها المبلغ يكون اخوي (طبعا كبريائي ماسمح لي اقول انه زوجي) وانكرت انكار شديد وسألتني مين يكون زوجك؟؟ فقلت لا اخوي وقلت لها اني مااحب اظلمك لكن الاسم موجود عندي رباعي وعندي نسخه من كشف الحساب بامكانك الاطلاع عليها فقالت انتي تعرفيني شخصيا؟؟ فقلت نعم وراح اجيب لك الأوراق واخليكي تشوفينها في بيتكم قالت وين؟؟ في بيت أمي ؟؟ قلت ايوه ؟؟قالت خلاص استناكي
وأنا مااعرفها ولا اعرف بيت امها وبعد كذا سألت صديقاتي عن اخبارها بالتفصيل وراح يجيبوا لي كل شي عنها
أما زوجي انكر انكار شديد وقال عمري ماسمعت هالاسم لكن ماقلت له ان كلمتها
انا مشغول بالي الافكار توديني وتجيبني انصحوني وش اسوي
طبعا زوجي يعرف اني ادخل حساباته لأنه مايعرف مره في النت او كسول بمعنى اصح فاسدد فواتيره واسوي له بعض الحاجات وماكان يعرف انه ممكن يطلع لي اسماء كل المستفيدين 
بعد السالفه هذي ماخلاني ادخل حساباته ابد