موقف صار لي امس فحسسسسس تسبدي(قهرني لغير الناطقين باللهجه القصيميه)
انا موووتي وقهري اني اوقف سرا عند الكاشيير
وتجيك وحده تقطع السرا وتحاسب!!
احس وقتها اننا مجتمع متخلف
كم مره يصير لي موقف زي كذا واغسل شراعه واهزأ الكاشيير الي حاسبها وهي قاطعه السرا
وللأسف هالتصرف بالغالب من الحريم :mad:
امس صار موقف بمركز..
واقفين سرا والي قدامي حرمه لاهيه بولده تقاوسه الجكيت الي بتشتريه له
وتجيك ذيك الاجنبيه(جنسيه عربيه) تقطع السرا تحاسب..ومحد قال لها شي
انا وراي رجال ومعي اختي والدبه الي قدامي ساكته ماقالت شي
جيت هزأت الكاشيير قلت تصرفها المتخلف(وهي تسمع)موب غلطتها انت تتحمل الغلطه انو سمحت لها انها تقطع السرا
قال انا مالي دخل .. قلت الا لك دخل واقدر اشتكيك عند الاداره
هي التفتت تناضرني باستحقار..يحق لها حاسبت وحنا زي الغنم ملطووووووعين
ومير ادف عربية الي قدامي .. قلت لها تراك السبب انتبهي لدورك ولا خلينا نحاسب وروحي لبسي ولدك الجكيت برى
وااخذ بعض اغراضها وارميها على الطاوله قلت بسرعه.. هي خافت وبدت تنزل الاغراض بسرعه
اختي الي معي قامت تسكتني لاتورطين بمشاكل(اخيتي حامل ) قلت ماتبين تحضرين هوش روحي للسياره (بس بصوت واطي)
خلصت الدبه الي قدامي محاسبه وتجيك متخلفه اخرى تبي تقطع السرا ومير التفت عليها قلت السرا من هنااااك يبدا .. ولا كأنها تسمعني .. سكتت ومير يجي الكاشير قال ماقدر اخذ منك دور هذي (يبي يفتك مني هع)
خلصت محاسبه .. وراي رجال (قلت لكم قبل) جت هالمتخلفه تبي تقطع عليه قال لها السرا من هنااااك نفس كلمتي
هههههههههههههههههههههاي
بجد موقف قهرني وبط جبدي (على قولة الكويتيين)
وعلشان اؤكد لكم انو التصرف ذا بالغالب من الحريم
مافي مره قطع علي السرا الا حرمه.. وزوجي كذلك تقدمت عليه مره اجنبيه قال لها زوجي امسكي دور زي غيرك
وتبووسم له .. قالت فيييني احاسب قبلك ؟ يقالها تبي تستأذن الحين وتبي تحرجه لانو سعودي(معروف طبعهم يستحون من الحريم) .. قال لها زوجي لا هههههههههههاي
وبالاخير شوفو هالصوره
ا
متى نصير كذا؟؟
اسمك زي اسمي
وقانيا انتس جبتيها على الجرح انا مااوطن ذا الحركه احس وانا ماسكه الملابس اللي معي وتجي اللي قدامي وتاخذ الدور مني ماودي الا اصفقها بالمعاليق حقت الثياب من القهر من جد متخلفين وماعندهم احترام <<<<<<<<تحمست