صور الذكاء تختلف.
احيانا الذكاء مايكون بالمناهج والكتب، اطلعي على انواع الذكاء عددها ثمانيه.
و انصحك تقرين كتاب عظماء بلا مدارس.
اذكر احد العباقرة لا يحضرني اسمه انه انطرد من المدرسة لان المدرس قال عنه غبي.

اول مرة اسمع ان الناجح بتقدير جيد يعني فاشل 🙄
مع اني كنت متفوقة دراسة واحصل غالبا على الترتيب الاول او الثاني ..ما اشوف اللي تشوفيه غريبة جدا..
احاسيس مرهفة قالت كل اللي عندي..
من وين جاتك الفكرة ذي!..لا تسمعي للي يحاولوا يحطمون ويهزوا ثقتك بنفسك

اذا خالصه ثانويه وجامعه الحمدلله هذي ماتعتبر فاشل
فيه بنات مامعاهم الا سادس وبزمنى هذا,, الي تتكلمين عنها انتي اعتبرها طموحه ومنجزه هذا مو فشل

لو تتابعي الدكتور عبدالله المغلوث على مواقع التوصل او تقرأي مقالاته راح تشوفي وتعرفي كيف انو كثيير من مبدعين ومتميزين وعمالقة في مجالاتهم مو بس العرب حتى الأجانب مانجحوا في دراستهم بس خرجوا بأشياء يحكي عنها التاريخ عندك اولهم الكاتب المعروف فهد الأحمدي ماعنده إلا الثانوي وتعب كثير وتنقل بين تخصصات وجامعات مختلفة داخل وخارج السعودية بس ماحصل على شهادة جامعية بس مقالاته أكثر من رائعة تبارك الرحمن وفيها عمق وفلسلفة ولهذا وهو يكتب مقالاته من بيته وهو ماعنده إلا الثانوي يحصل على مبلغ مادي مايلاقيه ممكن مدير كبير مخضرم في ارامكو ماشاء الله لاقوة إلا بالله هذا فضل الله تعالى ورزقه اعطاه اياه وغير هذا هو اجتهد على نفسه واستثمر في موهبته وعرف كيف ينميها ويكسب منها
7
7
7
7
فعلا مو شر بطلع ابداعاتي بالدراسه فيه ناس عقولهم مفتحه وماكملو دراستهم

درست جامعة وتخرجت بس عشان تقدير جيد مايعطيها الحق تسمي نفسها فاشلة
الفاشلة الي تضيع كل الفرص من يدها على غير سنع مجرد كسل و قلة عقل


الناس تختلف مواهبهم وميولهم ..
تلقين ناس كل شغفها توصل اعلى مراتب العلم باعلى الدرجات ومايملون من العلم والدراسة
ناس شغفها تشتغل بيدها وتنجز بسرعة فتلقيها تحترف بحرفة مثلا او مهنة او تجارة وتنجح فيه


النجاح ماله كتالوج ثابت ياتكونين كذا يا تكونين فاشلة ..
النجاح بالنسبة لكل شخص يتفاوت


التاجر الشاطر حتى لو مو دارس الا ابتدائي بيعتبر ناجح !
والطبيب الي مهمل بشغله ومو شاطر بيعتبر فاشل !


ومافي أحد ناجح بكل شيء وأحد فاشل بكل شيء ..
هي ميول ومواهب متفاوتة ..


النجاح الاساسي تحقيق شيء تبينه يحتاج تعب وصبر ..
سواء تنجحي كرسامة ماهرة وتفتحي معرضك مثلا .. او تنجحي كطالبة مجتهدة وتدرسي تخصص عالي


وبس