وش رايكم بتصرفها؟؟

بنات الناس اللي مالها كلمه بالمواعيد وتسحب
وش الحل معهم
بقولكم انا عرفت وحده بدوره درست معها سنتين
وتخرجنا مع بعض قبل سنتين ايام الدوره
ماعمري طلعت معها بس بالدوره نجلس نسولف نتقهوى
بعد ماتخرجتا قبل سنتين صارت تدخل علي سناب
تقولي ماودك نتطلع كوفي او مطعم نشوف بعض
كل شهرين تدخل علي كذا
مره قلت اوكي عادي واتفقنا وقلنا نبي كوفي او مطعم
فيه بارتيشين يعني عشان ناخذ راحتنا
وصحيت وتجهزت وتمكيجت ولبست
فجاه ارسل لها بالسناب يلا طلعتي انا جالسه انتظر السواق
جلست تضحك تقول مو اليوم انا قلت لك بكرا
وانا متاكده كانت كاتبه اليوم بس تعرفون
محادثات السناب ماتنحفظ
شكيت بنفسي قلت يمكن صدق البنت كاتبه بكرا
وعلى نياتي جاء بكرا وطلعت وشفتها وعادي
بعدها بشهرين كذا حطيت ستوري والبنت شافت
ودخلت تسلم وتسولف وقالت خلينا نشوف بعض
قلت عادي انا دايم فاضيه
وصارت اشد من الحركه الاولى
صحيت بدري وتجهزت ولبست وتمكيجت وطلعت!!
متخيلين طلعت للمكان اللي متفقين نتشاوف فيه
وانتظر ساعه ساعتين البيت ماجت
ارسل ماتشوف ادق ماترد قلت لايصير فيها شي
رجعت البيت جت الساعه ١١
ترسل لي تضحك تقول ماعليش راحت علي نومه
ومدري ايش
انا هنا انفجرت
فيها وقلت لها لاعمرك تقولين نطلع دامك كذا
فجاه بعد ثلاث شهور جتني وتكفين خلينا نشوف
بعض ومدري ايش قلت انا على بلاطه
انتي ماتنضمنين وانتي تقولين كذا فجاه تسحبين
ولا انتي قد كلمتك قامت تتعذر
انا مشكلتي على نياتي وانسى قلت خلاص علمين
متى يناسبك واتفقنا فجاه بالليل وبكرا الطلعه
ارسلت لي انها تعتذر بسبب نومها حوسه وتخيلو ايش
تقول 😂اذا صحيت عادي اطلع بس اذا ماصحيت ماقدر وعلمتك عشان ماتزعلين😂
جيت قلت انا ولا انتي اللي داخله ومشغلتني تبين
تطلعين؟
المصيبه يابنات يمين بالله تدخل تزعجني
نطلع نتشاوف من زمان عن بعض تكفني شوفي وقت فاضيه فيه واخرتها كذا!!
سحبت عليها يمكن ٨ شهور لين امس
ترسل معايدات ولا رديت عليها ترسل سناب
ع الخاص صور وكذا ولا ارد فجاه امس ترسل لي
انتي وش فيك ماتردين على رسايلي ولا معايداتي
جاك مني شي وكلام كثير كثير
ماحبيت اكبر الموضع عطيتها كلمتين ابيها تسطح العلاقه
وخلاص
جت امس قالت لي ولوحده ثانيه معنا بالدوره
حاطين حنا قروب ابي اشوفكم لو ساعه لو حديقه
ولا كوفي صديقتي اللي بالدوره تعرف السالفه
دخلت علي خاص وجلست تحاول فيني انه عاذي
وانسي ويمكن البنت عندها ظروف وخلينا نطلع ومدري ايش
جيت كتبت بالقروب هااكلام امس العشاء
كتبت شوفي اللي يناسبكم وعلمون انا فاضيه
والله يابنات امس بالليل وهي معطيتنا الاوكيه
ومتفقه مع صديقتي الثانيه حتى على المكان وكل شي
انا كنت بس متفرجه عليهم وهم يتفقون
فجاه الساعه٢ بالليل امس ترسل بنات
ترا اختي نفاس
وعلى حسب الوضع اذا جانا احد انا موب معكم
اعلمكم الصبح الاكيد اذا انا معكم او لا !!
وللان مارسلت شي وسحبه !!
وورطتنا بحجز شاليه وحجز عشاء وقامت تتعذر
سوال
اللي مثلها مريضه نفسياً؟
يعني تغث الناس وهي بنفسها تدخل على الناس
ويلا نطلع ويلا نتشاوف واخر شي لما يجي الوقت الضايع
يعني بنفس الوقت تعتذر باشياء سخيفه
او تسحب مره وحده ولا تطق خبر
البلاء ان صديقتي دافعه عربون للشاليه
ودافعه للمره حاجزه من عندها عشاء
انا دخلت على صديقتي وقلت لها يلا
هذي اللي عندها ظروف نكبتك بالشاليه والعشاء
وقامت تتعذر ىتحط مقدمات انها ماراح تجي
هي كذا انا عارفه شخصيتها للاسف سايكو
تزعجك تبي تطلع ىتبي تشوفك فجاه لما تقرب وقت الطلعه
مادري هي تتعيجز او يصير مالها خلق او ايش بالضبط
تجلس تتعذر او تسحب مره وحده
يعني لو احنا داخلين وجابرينها بقول اي يمكن
البنت ماتبي وحنا ضغطنا عليها يابنات والله العظيم
تدخل هي لنفسها وهي تزعجنا تبي تطلع واخر شي تسوي هالحركات