وش رايكم بتصرف زوجها

ترددت اكتب الموضوع هنا ولا لا


بس من غبنتي مانمت زين وربي جاني شعور غريب وانا اقرا القصه قلت اشارككم اياها يرتفع ضغطكم معاي


امس وانا اتصفح الانستا لقيت قصة وحده تقول سافرت لاهلها ونست الخضار بالثلاجه وتعفنت وزوجها يصور الثلاجه يقول شفتو مكب الزباله اللي عندي وارسلها ع قروب الاهل طبعا مو هنا الغبنه


القهر انه بعد كم شهر اتوقع كانو عياالها تعبانين وتاخذهم من مدارسهم وتوديهم تعالجهم وتجي البيت وهذا معاه سهال وهذا تعبان ووراهم ووراهم واهملت البيت تقول دوبي عيالي مافي وقت أنظف


وبالليل زوجها طلبها جوالها واعطته ونامت والصباح صحت ع دق الباب قالت مين وطلعت امها واهلها عالباب انخرعت قالت كشتي مهي ممشطه وبيتي حوسه والحمامات مو نظيفه والمطبخ وناظرت ع زوجها قال سررعه افتحي وفتحت الباب واهلها جايين فرحانين بس دخلو البيت تغيرت معالم وجههم وانهارت وقامت تبكي وامها واختها يهدونها وابووها تفشل راح بالمجلس يسولف مع زوجها


المهم ان اهلها رجعو لبيتهم وطلع زوجها الحقير عازمهم وماقال لها وسووا حظر لارقام اهلها علشان مايصير عندها خبر انهم جايين حسبي الله عليه وقال لها بعدك ماشفتي شي


هذي القصه قسم بالله انقهرت انقهرت تذكرت يوم كنت حامل واتوحم اكره المطبخ ولا ادخله كل بيتي مرتب الا المطبخ كان حوسه بس ادخله تقلب معدتي ومحد يغسل وراه وزوجي صور حوسته وارسلها لاخته وقال لها امانه لاحد يشوف بس ياوريك انا كيف عايش واخته ماصدقت خبر نشرت للكل انه صور حوستي طيب المفروض يجيب لي شغاله بالساعه تجي تنظف وتروح بدال الفضايح


وزعلت وكسرت الدنيا وللان جرحه مو ناسيته ووعدني مايكررها بس صرت مااضمنه


بس تصرف زوج البنت وقح وقح طيب انت هذي زوجتك ام عيالك كذا تسوي فيها حسبي الله عليك






معليش بنات والله ماودي انزل مواضيع مالها داعي بس انقهرت ع تصرف الرجال مع زوجته مارحمها وهي تطارد ولد عياله حسبي الله