وش رايكم بتصرف صديق زوجي

السلام عليكم
بدخل بالموضوع على طول 
زوجي تربطه صداقه بصديق طفولته ودايم هو وياه مع بعض تزوجو 
صديقه اخذ زوجته وسافرو برى 
وتباعدو الاصدقاء بس صارو جدا مع بعض بالواتس 
يعني زوجي يتواصل كثير مع صديقه بالواتس 
صديقه كان دايم يزن على زوجي يسافر يجي بنفس الديره اللي يدرس فيها صديقه وكانت تبعد عن السعوديه18 ساعه بالطياره
وكان زوجي يعتذر منه بسبب غلاء التذاكر والمعيشه بالديره وانها صعبه عليه 
بس كان صديق زوجي يصر كثير 
الحد اخيرا مااقتنع زوجي يروح  بس بعد مااقتنع زوجي حملت زوجة صديق زوجي وقال زوجي الصديقه زوجتك حامل وصعبه نجيكم واذا جينا تكون بالشهر 7 وحنا بنطلع ونفلها اخاف المسكينه تتعب انا فكرت وقلت ماني جاي وخصوصا انه ماطلعت فيزه ولا دفعت التذاكر قام صديق زوجي زعل وقال عادي ومافيها شي حرام عليك زوجتي متحمسه عشان زوجتك وانا بعد متحمس ومافيها شي الدكتوره طمنتنا وظروري تجي ومرره اصررر انه نجي انا شخصيا من قالي زوجي ان زوجك خويه حامل واذا جينا بتكون لها 7 شهور نغزني قلبي بس قلت بما ان زوجي وصديقه متحمسين ياشيخه عشانهم ومنها تشوفين ديره ماعمرك شفتيها وصارلنا سنه نجمع للسفره عشان نروح نوسع صدر صديقه وزوجته ونغيرلهم جوهم 
رحنا نطلع فيزا وطلعنا بمبلغ الفين ريال 
وحجزنا ودفعنا التذاكر والرحله مخطط لها تكون بعد 4 اشهر من اليوم
وصديق زوجي يعرف كل ذا التفاصيل هو وزوجته يعني عطيتو الناس كلمه انهم يجون وتمشونهم وناس حجزو كل شي من فنادق وطيران وكل شي وبعد كل هذا بكل برود 
يرسل الزوجي واتس يقوله 
والله الحرمه ماتبيكم تجون وانها قالت الاهلها يجون وبيجون بالوقت اللي بتجونه وبيروحون بعد نفاسها
ممكن تسترجعون التذاكر ترى فيه طريقه الاستراجع التذاكر ياابو فلان وعادي تقدر ترجع فلوسك والعذر والسموحه منك يا ابو فلان بس هذا اللي خصل
الحين من حملت اعتذرنا وقلنا ماراح نجي ونخليها للسنه الجايه وهو وحرمته اللي رفضو واصرو نجي واصرو نحجز وندفع والحين بسم الله تغير كل شي
يوم دفعنا وخسرنا وستعدينا نفسيا يقولنا كذا بكل برود سلامات حسسنا اننا ماشبين له مع انه هو بنفسه اللي اصر نجي غير كذا قلنا المدام تعبانه ومايصير نجي وقال انها مرره ودها وتقول عادي ومرره متحمسه الجيتكم واساسا اهلها بيجون اخر الشهر 8 وانتم بتجون 7توها 
انا صراحه حسيت الرجال يطقطق علينا وقلت الزوجي بنروح وماعلينا منهم ماراح نجلس على روسهم حاجزين بفندق والله يخلي التكاسي وحتى لايدري اننا جينا ولاتلغي شي اساسا هو كان يبي يمشينا بسيارته بس 
عادي محنا بحاجته نروح بالتكاسي او قروب سياحي ونتمشاء ونفلها 
بس مشكلة زوجي مااقتنع من كلامي ابد ومرررره محبط وضاق خلقه 
بنات بكل صراحه وش رايكم بتصرف صديق زوجي بكل صراحه وش تصنفون تصرفه؟؟؟؟
وبالنهايه الله يوفقكم يااخواتي الحبيبات ويسعدكم دنيا واخره