وش رايكم بتفكيري ؟

السلام عليكم خواتي انا مااعدكن الا خوات لي تشاركوني احزاني وتساعدوني بالتفكير
تعرفون انا ظروفي صعبة الحمدلله واوجه ضغوط الحمدلله على كل حال وعندي بنت الله يحفظها تطلقت من ابوها وهي بعمر صغير والحمدلله الحين بالجامعة وانا تزوجت يوم كبرت بنتي وجاني الحمدلله اطفال والحين معلقة وابوهم مايعرفهم ولا بريال ولاشافوهم من السنة الماضية وجالسة ببيت امي مااتكلم ولا بشي لي غرفة بنتي اذا بتذاكر نبلش نطلع عنها واذا احتاجت شي تبهذلت علشان اوفره الحمدلله عندي سواق لكن الفترة الي مايصير عندي سواق اقسم نصير انا وعيالي ضعيفين لدرجة مااحد يتصوره لدرجة يتعبون ماالقى من يوديهم للدكتور المهم بالمختصر انتم حريم وعارفين ومقدرين وضعي ولالي علاقات ولا اعزم ولا انعزم وامي ترى رافضة اني اطلع ببيت مع اني تعبت من الضغوط زبايل البيت انا اطلعها اخواني بس ضيوف وامي الله يجزاها الجنة تقول الزبايل زبايلكم المهم مابي افصل دايم افكر بشي اقول ليه مااخلي بنتي تروح لابوها كثير هو يكلمها بالموضوع وماشاءالله ابوها وضعه ممتاز ماديا وودي تروح له احسي ظالمتها بقعدتها معي دايم تبي مطعم وتبي روحة وجيه وسفرة وانا مرة منكسرة مابيدي حيلة الحمدلله على كل حال وابيها تنعرف وتنخطب ويصير لها غرفة وتعيش حياتها انا ماعرف احد وخواتي معاديتني من يوم اتطلق الله المستعان فيه ناس كثير بس يحبون الي زيهم مستعز وببيت ومخدوم محشوم الي زيي مايبونه انا سبق كلمتها وقعدت تصيح وقد قلت لها استخيري يابنتي يمكن تروحين لمصلحتك تقولي انا احبك واحب اخواني وراضية بالمكان الي انتي فيه بس انا ابيها تنخطب
رجاء اخوات لاتردون علي رود حارحة ترى بقلبي كثيبيبببر الله يفرج لي على احسن حال