السلام عليكم ورحمة الله وبركاته
يالغاليات الفتره من الله علينا وبدينا نبني بيت العمر ودايم ابحث في مواضيعكم وخصوصا الديوانيه بصراحه استفدت فايده الله عالم فيها ماقصرتم .
الآن حنا في مرحلة التشطيب مرحلة الطقاق مرحلة القلق كله
اختلفنا بالأرضيات هو :arb:يبغى كل البيت الدورين رخام كريم مارفيل
قسم الرجال بيكون معه امبرودور نعله 10 سم وبعدها 20 سم امبرادور
انا رغبتي بورسلان خايفه من الرخام اللي يقول يبغاله جلي كل سنه واللي يقول يشرب السوائل احس البورسلان انيق وناعم وكاسر خشم الرخام .
غالب الظن اني برضخ واوافق على رخام كريم مارفيل لكن وش رايكم وش اللون المناسب احطه معه بحيث مايقيدني بالأثاث الأمبرودور ماني مقتنعه فيه .
اللي حاطه رخام وعندها اي معلومه لاتبخل علي فيها ولها جزيل الشكر .
للمعلوميه الدرج عندي وسط الصاله وهذا اللي اتعبني واحسه نقطة ضعفي اذا قال تخيلي الصاله رخام والدرج رخام وتطلعين فوق الصاله العلويه رخام يطلع بيتنا فخم كنه قصر .
وانا احس الحاله عندي نفسيه اني ماأبي رخام مدري ليه احس الصاله اللي فوق ماراح اقدر اأثثها مودرن مع الرخام .
احس راسي بينفجر من كثر التفكير اعطوني رايكم واتحملو هذرتي يالغاليات .
RrSs @rrss
عضوة نشيطة
يلزم عليك تسجيل الدخول أولًا لكتابة تعليق.
روعة السجايا
•
ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااب
الأفضل يكون البيت كله مثل بعض هذا رأيي وإذا حابه يكون اللي فوق مودرن حطي باركية والمارفيل مسويتة أختي في بتها لون بيج طالع روعة ولا تقيدت بالأثاث أبدا حطت في بتها البني والأحمر وانيلي والزيتي
الصفحة الأخيرة