وش رايكم ...برغم اخطائه اسامحه والا وش اسوي

سلام لاحلى بنات (عالم حواء)..................
اول ...مره اطرح موضوع.....في هذا القسم ....وعلى فكره فيه عضوه ثانيه بنفس الاسم الا انها حاطه مسافه بين الاسم لذلك اصبح اسمها زيي تمام الا بوجود المسافه ف ياليت ما تلخبطون بييننا
المهم الموضوع ....اني انا وزوجي متخاصمين ولا ادري هل الحق معي والا معه ........
زوجي كل ما اطلب شي يقول بعدين ..عندي شغل
مع انه ما عنده شي الا جلسه في الكوفي ومع زملائه
واذا قلت اديني مصروف كل شهر
يقول ما يحتاج الي تبين اجيب مع انه ما ينزلني للسوق
ولا يجيب شي
بس كلام معسول ..وحلو والفعل ولا شي
تعبت مدري وش اسوي معه
الاسبوع الماضي طلبت منه يوديني اسلم على امي
لانها بتسافر وبتغيب اسبوعين ونص
قال مالي شغل الا اودي واجيب والله لو امك بتهاجر كلها اسبوعين وتجي
ماله داعي واصريت ووداني بس بنفس شينه
وبعده طلبت منه يوديني لاهلي زياره الخميس
وشغل الاسطوانه بس هذي شغلتي بس اودي رايح جاي ما لي شغل الا اودي واجيب
وطنشت ولا رديت
وسكت وزاد الطين بله لما قعدنا نتقهوى بالصاله وانسدح بيريح شوي يعني
الا بنتي الصغيره بتبوسه وضربت براسها بقوه على وجهه وزعل
وقال ياحماره قلت خير انا وش ذا الكلام قال ايه
انت وجودك زي عدمه صراحه ضاق صدري واحس
اني مره مو قادره انسى وبلعتها الا انه
مسوي نفسه زعلان مدري ليه
سويت نفسي عادي بس غاضني وقهرني لما قال انت قلبك اسود ماتنسين وش انسى الاهانه والتجريح لا ويبيني انسى بدون ما يعتذر وش رايكم
مع اني طالبه منه اروح المشغل علشان اصبغ شعري عندنا مناسبه ورافض ليه ما ادري بس تسلط وحب السيطره