وش رايكم بزوجة اخوي .... ناويه اكلم اخوي يأدبها؟؟؟؟

صبحكم الله بالخير...
كيفكم شخباركم ... تعودت اشكي همومي لكم بعد الله
المشكله زوجة اخوي هذي اخوي مو متوظف ويشتغل بالعقار وابوي الحمد لله ربي منعم عليه
المشكله ان زوجة اخوي بنت الفقر كل ماسوينا شي تبي تسوي واخوي امكانياته ماتسمح له وبعدين احنا بيتنا كبير وابوي ماخلا عليهم قاصر كل شي موفره لهم ..واحسعينها على كل ريال يدخل بيتنا واخوي الله يهديه بكل صغيره وكبيره يخبرها مو وكمان ماتطبخ لاخوي تسوي اكلها اللي تبغاه وهو مو مهم ياكل عندنا وماتستحي اذا سوينا شي تقول ابي عمي يسوي لي مثله
كمان تقول في الجلسه اذا جت بيتنا كلام ينرفز تبغانا نردواحنا ننطنش وبس تشكي لاخوي من اخواتي مع ان اخواتي ياقلبي عليهم يحبونها ولا يرضون احد يتكلم عليها لاتقولين كيف عرفتي اخوي يقولي بس اخواتي مايدرون ..
انا مارد عليها احتراما لاخوي .. بس ش رايكم اكلم اخوي يوقفها عند حدها عشان انا مو متعوده اتكلم مثلها واقول كلام مال امه داعي ومااحب دق وسوالف الحريم
كمان اذا جت بيتنا على طول تفسخ عبايتها واذا جو اخواني تقول مايستحون يدخلون كذا من غير استأذن مع ان اخواني على طول في البيت وقالو لهم هذا بيت ابونا يعني اتوقعو اي وقت ندخل بالذات بعد المغرب
مدري هل لو اكلم اخوي يعتبر غلط والا كيف اتصرف ؟؟
وانا مابغى اكلم اهلي لانهم تعبانين سكر وضغط وهم اصل يقصرون المشاكل وهذي المشكله نقطة من بحر
ياجماعه انتم فاهميني غلط هي دايما تحرض اخونا علينا ولها عين تقولي بس انا اذا بقول لاخوي عشان اذا رديت عليها بيوم من الايام ما ياخذ بخاطره مني فهمتو علي والاانا مالي ومال زوجات اخواني اصلا كلهم مو مدح بنفسي ما يذكروني الا بالخير انا ماتدخلت بحياتهم بس لا تتدخل فينا مالها ومالنا ..
لان قبل وحده من زوجات خواني اخوي سوى في العمايل علشان زوجته تحرض فيه وانا ياغافلين لكم الله ... وجا يهاجمني مايدري وش السالفه يسمع منها ما يسمع مني وضربني وهاني قدامها وقدام اهلي الله لايسامحهم .. حسبي الله عليهم
واللي تقول انتي ترضين بكره اخوات زوجك يحرضون زوجك اقولهم اذا غلط عليهم استاهل
يا بنات انا اعمري حرضت اخواني على ازواجهم بس لمن سكت انا طلعت الغلطانه والحق كله علي حتى اخواني لمن يهاجمونا اقولهم هم اللي بدو علينا يقولون انتم تستاهلون ليش ماتقولون اللي يسوونه من البدايه
واللي تقول هوراضي انها ماتطبخ بكيفهم يروح المطعم مو يجي لامي المسكينه والا انا اسوي وست الحسن مرتاحه اللي تقول حرام على اخوانك انهم يدخلون من غير لا يستأذنون اخواني يطقون الباب بس زوجات اخواتي يتمشون وهم عارفين ومتاكدين انو البيت في رجال ويفسخونهذا مو حرام هم مو ساكنين معانا
واللي تقول متحمله اخوك ان مو متوظف اخوي معيشها عيشه احسن من اللي ازواجهم متوظفين بمليون مره ..
واللي عندها رد بايخ زي وجهها تتفضل من غير مطرود لاني ماراح اتحمل ردود بايخه