اوووف وربي من اذكر هالسالفه يتعكر مزاجي جد جد حريم منتهى قله الحياااااااااااا

انا قصتي قصه المدن السكنيه وخصوصا العسكريه غصب طيب يجونك الجيران ولو مافيه تقارب فكرى ولاعمري ولاسكني تلاقينها من اقصى الشارع غبرتها جايه بيتك اول ماسكنت جاملت قلت جيره ولزوم الجيره وشبكوني بالقوة معهم بدوريه صباحيه وعصريه اجباري ولابيقطعون لحمي ولما قلت انا ادرس ماقدر الصباحي قالو عصاري والمشكله من ضمنهم مدرسات مدري من وين لهم الوقت وانا مانتبهت الا بعدين ان المدرسات يتناوبون على الدوريه اذا جت عند وحده ساعدوها اصناف الحلى والمالح واللي مومدرسه طقتي لا هذي فاضيه لازم تسوى وتبدع بعد
جا رمضان قلت فكه منهم ارتباط ماشوف زوجي ولا بيتي وبرمضان شفتهم بالمسجد مسكوني وحلفوني الا اجي بعد التراويح اتقوى معهم وجاملت وياليتني مارحت شبكه جديده وزياده بالعدد خلص رمضان قلت اطنش وتوبه نصوح ولدت بنتي وكانت عمليه وماتشوفين بابي يقفل يجوني كل عصر من الله اكبر ابي انام ابي ارتاح مافي امل ومن الميانه مايتصلون دف الباب وتدخل مرات اكون نايمه ولاعندك احد يجلسون وافتح عيوني الاقيهم باسطين القهوه ويسولفون ويقالهم مقصرين حسهم عشان مااصحى اهلي مو بالمدينه اللي انا فيها بس اهل زوجي وقليله جياتهم عند اللزوم بس ولما لمحت اني ماانام من النونو وابي انام النهار قالو لاالنفاس مانتركها بروحها يصير فيها شي طيب بتنفعوني انتم زوجي ومن قبله ربي متوكله عليهم واخذوها حجه تلاقين اجتماعاتهم ببيتي ويجونك كل وحده بخشه وريخه حتى زوجي تملل منهم ومني يقولي انا موعارف اجلس ولاادخل اسوى كاسه شاي اشربها ولاشفت بنتي لي كم يوم اطلع الصبح الدوام اجي الظهر انام والعصر لين العشا واللمه عندك وجد قهر ولا تقولون سهاله يساعدونك بالاكل والقهوه لا وربي يجون يدينهم فاضبه انا وشغالتي نسوى ونصب لهم وانا عمليه يادوب امشي ولافيهم احساس ويتشرهون ليه محد من اهلك يقهويك ماعندكم اليوم قهوه فراغه معتمدين اني نفاس واكيد بتجيني قهوه مادرو ان محد حط قهوته منهن الا اربع والباقي قطه تجيك بترمس قهوتها وتشربها واهي جالسه ولاالثانيه تسوى مرقوق وتعشيهم قدامي وتغسل قدرها وتاخذه ااااه يس الله لايعيدها من ايام كرهت الناس والعزايم منهم

أنت صادقة وأن زرتيهم فرشت لك بساط بالحوش بالحر:mad:

الله يكون في العون بس

موضوع رائع لا يروح-

اي والله موجوده كثير
واقرب الناس لك بعد يتعاملون بهذي الطريقة
وش نقول الله يرحمن برحمته