وش رايكم بعرض البنت على الرجال تعليق على موضوع الاخت حالمه بصمت

السلام عليكم ورحمة الله وبركاتوا.............صلوا على النبي عليه الصلاة والسلام

الفتت انتباهي الاخت حالمه بموضوعها وفكرتها مرررررررررررره حلوه والله يرزق بنات المسلمين وخاصه الحلوات اللي معانا بالمنتدى
انا زوجي رجل لئطه على قولت الاخت حالمه رجل الحمدلله مستقيم وعلى خلق ودين وفيه خير ورزانه وعقل قولوا ماشاءالله تبارك الله لايطلقني
يوم خطبني مااحد يعرفه غير خالي الكبيرومن فرحته بغى يغمى عليه ان هالانسان تقدم لي يقولي بسرعه وافقي لاتسئلين احد عنه ولاتستخيرين انتي الكسبانه اذا وافقتي مو هو
طبعا انا من الاول موافقه بس لزوم التغلي اسبوع اسبوعين
المهم تزوجت بعد الزواج قالي اخيرن تزوجت وارتحت قلت وشلووووووووون قال مقابلت الرجال صعبه اول ماجاني التعيين مدرس وكل اصدقائي ومعارفي والاقارب كلن يحرجني من جهه اللي يعرض علي اخته واللي بنته واللي يقول مانبي شبكه ولا مهر حنا نبي رجال وبس واللي يقول اذا اخذت منا لك مني هديه قيمه وواحد يقول اختي ظروفها صعبه ابوهم مايعرفهم ولا يدري عنهم وش رايك تاخذ بنتها بالثانوي لانهم محتاجين لرجل حبيب ويخاف الله يعوضهم عن ابوهم يقول انوااااااااع الاحراج وكل ماشافوني عادوا علي نفس الكلام بس اذاكل واحد شافني لحالي اوكلمني بالجوال قالوا تعال البنت جاهزه ومن هالكلام لدرجة اني مره جالس مع الرجال طلعه للبر وناداه واحد منهم يقول تعال نتمشى يقول والله جالس يوصفلي بنت اخته توصيف دقيق مرررررررررره يقول وجهي طاح بالارض من الاحراج يقول ماتحملت ورحت لاهلي وقلت ابسرعه زوجوني بنت انتم تختارونها وعطاهم المواصفات اللي تعجبه وكتب الله وخطبوني بزواج شافوني
قلت طيب ليش مااخذت اللي الرجال اعرضوهن عليك قال عجزت اللي تعرض علي من اهلها مااقدر اتقبله قلت ابي اخذ وحده عن طريق امي وخواتي حنا نتقدم لهم مابي اهلها يقدمونها لي يقول ارتحت مع ان بعضهم وهم يسلمون علي يوم الزواج يتشرهون خليتنا ماجزنالك رحت لبنت الفلاني اللي هي انا يقول بس طنشت
مو عيب اللي يعرض بنته اواخته بس مو بهالطريقه تلزق احس ماعندهم سالفه وانا كتبت سالفة زوجي لتنبيه مو كل رجال يتقبل هالشي بس طريقة زوج الاخت حالمه حلوه مجرد تلميح بس يااختي لايعيدها على الرجال انتم عطيتوه الضوء الاخضر يكفي
الفكره حلوه تقضي على العنوسه بس على حسب طريقة الرجال اللي صريح مره ماعنده سالفه ترخص البنت بعين الرجال والا وش رايكم؟