وش رايكم بغسالة الصحون هل تغنيني عن الشغاله؟ تعالوا فيدوني والله نفسي ببدائل عن وجود

رفع

مره مريحه وتخلي المطبخ مرتب على طول بالنسبه لترتيب المواعين في الغساله مايبيلها وقت وافضل نوع غساله عن تجربه ارستون ب2300

انا ماعشت مع شغالة لا في بيتي ولا عند اهلي لكن بصراحة الغسالة افادتني كثيييييييير واختصرت علي وقت وترتيبها وصفها اشوفه جدا سهل لا تترددين في شرائها وتستوعب اواني كثير وقليل عادي
غسالتي اريستون جدا رائعة ماشاء الله ب2300

رفع

بالعكس مايبي لها شي أهم شي شيلي منها بواقي الأكل إذا فيها أكل بمسحها بالأسفنجة أو فوطة وهي توها على السفرة
وشيليها على الغسالة مباشرة والغسالة روووووووعة للي إستخدامهم كاسات وصحون كثير
والشغالة إذا أنتي تبغين تستغنين عنها فلابد لك يكون عندك إرادة وتقررين أنك تستغني عنها
ولازم تبدأين تغير نظامك وتخلينه نظام حقيقي حتى الأولاد لازم يكون لهم دور معك حتى الزوج
إذا كان موجود في البيت مدة طويلة لأنه قدوة لأولاده موب يصير عالة وعبئ على الأسرة
على الأقل أقل شي يساعد في المحافظة على المكان نظيف ويهتم بالأولاد وقت إنشغال الأم بشغل البيت
وممكن يساعد في تنظيف الحوش يسوي قهوة وشاهي إذا الأم ماسكة شغلة ثانية
يدرس الأولاد ويتأكد من دروسهم
مشكلتنا كل شيئ على الأم والأم مسكينة يجي وقت وتنفجر مكينتها والحل
الأسهل عند الزوج والأبناء اللي تعودوا الإتكالية على الأم أنهم يجبون أم بديلة :(
وخيرة توقيف الخدم من إندونيسا وإرتفاع أسعارهن خلي الناس ترجع تعيش عيشتها الصحيحة
واللي فيها من الأجر العظيم مالله به عليم وأغلبنا مضيع هذا الأجر
أقل شي عندما نخدم أنفسنا بأنفسنا نكون أقتدينا بنبينا الكريم صلى الله عليه وسلم
وإذاقمنا بمساعدة والدينا قبل أن تنقطع قلوبهم وألسنتهم وهم يشحذون مننا الخدمة
نخدمهم قبل أن يطلبوا نساعدهم هذا باب من أبواب البر العظيمة اللي للأسف تركته البنات والشباب للخدم والسواقين



البدائل
غسالة فل أتوماتيك مجفف حراري للملابس والبطاطين غسالة مواعين
فيه مكوى يجي زي رولتين فوق بعض تدخلين الملابس من جهة تك\طلع مع الجهة الثانية مكوية طبعا هذا راح تلاقينه في
محلات تأثيث الفنادق والمستشفيات
العجانة كينوود الغلاية والقلاية المهرابئية اللي بزيت ودون زيت
تعبي الفريزر من كل شي ممكن تفرزينه خاصة البصل يقطع ويوزع في أكياس حسب الحاجة
والطماطم المسبكة وجاهزة وتوزع برضه زي البصل حسب الحاجة وبرضه حتى ا
لجزر والفلفل الملون أقطعه مربعات وجزء منه شرايح عيدان وأحفظهم في علب
سمبوسة لحم وجبن صغار وكبار ومعجنات وورق عنب وكبة وسبرينغ رول حشوات مختلفة لكل شي
وكل هذا صدقيني يخفف عليك الشغل والله حتى البصل أقليه بكميات كبيرة وأحفظه في علبة في الثلاجة
عشان الكشري والجريش والكشنة
وحتى الخبز حق الفتة والفتوش أقطعه واقليه وأحفظه في علبة كبيرة في الثلاجة أو الفريزر
الفاصوليا والباميا أقطعها واافرزنها
هالأشياء تخلي شغلك سهل صح تنشغلين يوم كامل لكل نوع تعبين الفريزر
بس باقي الأشهر بس طلعي وأطبخي موب كل شوي قطعي وحوسي ودوري هذا وذاك وهذا خمج ما طبخته وهذا ذبل ما أكلته
حتى الثوم قشريه وفرزنيه مقشر
طبعا تجيبين خادمة بالساعة تساعدك
فيه ناس تقول لا نحب الفريش أقول أوكي أحب الفريش بس برضه أحب الراحة والترتيب والسرعة في الشغل
صدقيني بالطريقة ذي حتى الطبخ مافي اسهل منه والمواعين تخف للنص تقريبا
حتى السلطة إذا جبتي أغراضها حطي حق كل يوم في تغليفة وحدة ولفيه عشان ماتجلسين كل يوم تطلعين عشرين كيس
عشان تاخذين من هذا خيارة وهذا خسة وهذا عود بقدونس
قسمي حق أسبوع كامل وأرتاحي وأهم شي تحطينهم ناشفين لايكون فيهم رطوبة
حتى الدجاج إذا تستخدمين المبرد على طول قطعي حسب حاجتك ووزعي في أكياس اللي متبل
للشوي واللي متبل للطبخ العادي
واللي مقطع شاورما واللي مجهز للبروستد
وممكن تجهزين لك حمسة زبدة وثوم وكزبرة وبرديها أفرديها في كيس وأحفظيها في الفريزر
وأستخدميها للطبخ خاصة الفول والشوربات رهيبة