وش رايكم بكلام أخوي

السلام عليكم
كل عام وانتم بخير
أمممممم حابه أخذ رايكم بموضوع قاعده أفكر فيه من البارح
هذا الله يسلمكم أنا وأخوي تناقشنا على ألبوم الصور
هو يبغاني أقطع صوري يوم تخرجي من الجامعه وما أحتفظ فيهن طبعا انا مصوره من وانا عمري سنتين وبالابتدائي بس ويوم تخرجي من الجامعه هو يقول قطعي الصور ماعدا وانتي صغيره احتفظي فيهن
يقول أخاف يطيح بيد أحد مايخاف الله علمآ يابنات مصورتني أختي بالكاميرا الفوريه الجاهزه أكيد عرفتوها
انا قلت له انا مستحيل اصور بالجوال أبدآ لأنه فعلآ أخاف ينسرق أو يضيع بس الالبوم عادي وأبشيله بمكان بعييييد وأمن
فذكر لي قصه واحد من أصدقائه أنه عزم أخوي ومجموعه شباب بالبيت يقول أخوي من حسن حضه أن جيت بدري قبل العيال يقول دخلني المجلس وراح يشوف القهوه يقول وفجأه يدخل علي أخوه الصغير معه ألبوم صغير يقول ويحذفه علي وينفتح يقول إلا هذي صوره بنات كبار يقول وبسرعه أسكره وأحذفه بعيد عني واناديه قبل يجون العيال عشان يأخذه يقول وجاء قلت معليش يبو فلان ابغى ماء يقول انا ماابغى اشرب ابغاه يجي وينتبه لألبوم الصور قبل العيال يقول ويدخل ويركض وياأخذه من على الارض قلت وش فيك قال لا بس ألبوم العائله قال مدري من جابه هنا يقول الحمدلله وهو ماسك الالبوم إلى أخويانا داخلين علينا
عاد أنا حابه أصور بزواجي إن شاء الله لذكرى هو رافض يقول ماأثق بالمصوره قلت خلاص بالكاميرا وأنت بعد اللي بتصورني قال مستحييييل;)
أنتم وش رايكم بنات صورتوا بزواجكم والصور وين تحتفظوا فيها خصوصا إذا سافرتم
معليش يمكن البعض يشوف الموضوع بايخ وما له معنى بس أنا عندي مهههههههم خصوصا أحب أحتفظ لذكرى
ملاحظه..ترى أخوي مو متشددددد لا بس حريص علي الله يخليه لي يارب