وش رايكم بكلام مرت المستشار

:16:السلام عليكم
خواتي انا متضايقه وياليت تساعدوني
زوجي يكلم عليه حريم بحكم عمله يسألن عن عيالهن بالمدرسه وبعدفتره اشتهر انه فاهم بكيفيه التعامل مع المشاكل وصارن هالحريم يستشيرنه في مشاكلهن الى الحين وانا احاول اخلي الوضع عادي ودي انه يساعد المهمومين
لكن الوضع تطور وصارت المسأله مزعجه بالنسبه لي ولا اقدر اتحملها
فتحت جواله ولقيت رسايل من بعضهن يكتبن اساميهن واسامي عائلتهن وتشرح مشكلتها مع زوجها اواخوها اوولدها واكتشف انهن يطلبن منه اذا صار فاضي يدق عليهن واكتشفت انه يرسل لهن خطه لحل مشاكلهن ويتصل يتابع وش صار معهن
انا هالطريقه ما عجبتني وحسيت انها مالها فايده لالهن ولا له صارحته وقلت له ان هذا ماهو اسلوب صح وانا ما ارضى بالتجاوزات قال لي هذي اسرار ناس وبعضهم مايرضى احد يشوف
ولا تفتشين مره ثانيه
انا عارفه اني اخطيت يوم فتشت لكن طريقتهم ماخلتي اثق باحد فصرت كل فتره افتح الجوال
وش لون اوقفهم عندةحدهم هالحريم اللي يحسبن المستشار ملاك يفضفضن بكل شي اللي له داعي واللي ماله داعي انا ادري ان الناس يحتاجون من يستشيرونه وانا ما حسد اللي احس انها صادقه وجايه محترمه نفسها ومحترمه اللي تكلمه موب لازم تعلمه وش اسمها وعايلتها ووين تشتغل تحطلها لقب تقول انا ام فلان وخلاص
ادري ان زوجي عليه من الخطاء انه يتصل عليهم لكن هن المفروض يخافن الله
وانصح اي واحده لله
انها اذا بغت تكلم شيخ اومستشار لاتلين الكلام لانه بشرولا تتعمق معه بالوصف الدقيق بحياتها اوالخوض بالكلام اللي ماينفع
حنا زوجات المستشارين مثلكم عندنا مشاكل وعندنا هموم ويمكن نستغرب انه يحل مشكله احد ومشكلتنا يعجزعن حلها وترانا نتحيسب على اي واحده تكلم عبث وتحاول تتعلق بالمستشار وكانه الرجال اللي ماعنده مشاكل وانه عايش مع زوجته وعياله عيشه الف ليله وليله
لا ياما صارت مشاكل كادت تصل لنهايات مؤلمه لولا لطف الله وياما مشاكل راحت وهي ماانحلت وبيوت المستشارين مثل باقي الناس مليانه من الحلو والمر والله يكون بعون الجميع
انا عارفه بيجي بعضكم يقول ليش تقطعون الخيرعن الناس
واقول اللي محتاجه استشاره بأدب وأحترام وأختصارحياها الله والله يفرج همها
واللي لها غرض ثاني الله حسيبها