وش رايكم بمستشفى الملك خالد(الجامعي) بالرياض

بصراحه انا مااعرف عن الولاده فيه
بس بشكل عام خالد الجامعي كل اطباءه ممتازين
وعيبهم ان فيه طلاب متدربين وانتي وحظك

بالنسبة للمستشفى حلو وخدماته ايضا حلوة

اما الاطباء غالبا يكونوا رجال

ومعاهم طلاب الله يستر علينا

اما تطلب غرفة ماعندي خلفية وغرفهم فيها
اربع او ستة على حسب

الله يهون عليك انشاااااء الله ويرزقك الطفل السليم المعافى

ياااشين ولادتهم بس هالكلام قبل 6سنوات الحين ماادري ...الحمام واحد لغرفتين والغرفه الوحده فيها ست وحاطين لك ملح خشن عند باب الحمام وقيروان وحده لكل الحريم >>>مستحيل استخدمها ..
وشوفي عااد الوسخ وانتم بكراامه ...هذا عاد غير اخلاق الفلبينات والسيريلنكيات مدري هنود اخلاقهم قشررراء

بصراحــة مستشفى الملك خالد الجامعي اطباءهـ قمــة وممتازيــن ..

وبالنسبة للولادة توكلي على الله وروحي لهم ..

الغرف اللي اعرفه كل غرفة فيها 6 أسرة .. بس يا بنت الحلال كلها يومين بالكثير وانتي طالعة بأذن الله .. الوحدة ما تبي الغرفة قد ما تبغى الاهتمام ..

والممرضات كل مستشفى فيه الزين وفيه الشين بس بشكل عام ممرضاتهم كويسات ..

الله يهوون عليك .. دعواتك لي يالغالية ..

على فكرة ما ادري اذا تقدرين تطلبين غرفة خاصة وتدفعين بس أتوقع ان فيه .. انتي اسألي وتأكدي ..