انا استغرب من كلام الي فوقي الي يقولون يخلون زوجك عندك ويعلمونك الرضاعه ومدري ايش ؟ حبيبتي هذولي على ماقالوا فيتامين واو او في جناح الفي اي بي
اذا انتي مو زيهم اجل لا يغرك , انا لسه والده عندهم من شهر ونص ومع العامه الملحطين على قولتهم, بصراحه في التوليد مهوب ذاك الزود لاصرختي هاوشوك وغصب عنك يسكتونك ويوم ولدت روشتني وحده مااقول الا حسبي الله عليهم كني ذابحه لها احد ماغير تنافخ علي وافركي زين وتقوي الرشاش وتحطه على وجهي وانا شوي واصيح من التعب وفوقه هالتعامل الزفت, وزوجي طبعا ماشفته الا اوقات الزياره اصلا كل الحكومي زوجك ممنوع يدخل عندك وقت الولاده, وطفلك من يوم تولدين وهو عندك اللهم اوقات الزياره ووقت النوم الين الساعه 6 الصبح وطبعا مايعطون الاطفال حليب ابد يرمونهم عليك عشان ترضعينهم طبيعي.. طبعا واكلهم زي ماقالت الاخت الي فوق يجيب المرض..
انحدينا لهم عاد الشكوى له , بس اذا عندك مكان افضل لاترددين تروحين له, والله يهون عليك

حبيبتي melt away الغاليه الحمد لله على سلامتك اولاً
حبيبتي انتي عارفه انه ما احد حادك عليهم وهم حتى يحاولون يصرفون اكثر الي يجونهم يعني ماغصبوك صح ولا لاء
وفلوسك بيدك وانتي تقدرين تختارين المستشفى الي تعجبك بس ايش المكان الافضل بنضرك ارجو انك تجاوبيني على ها السؤال
طبعا انا ما ادري وين ولدت ولدت في جناح الفي اي بي ولا جناح العامه الملحطين.... ما ادري لكن انا لما جيت لحالي ردوني طبعا ....اتصلت على زوجي..... وجاء على طول وكلم واحد ودخلوني غرفه خاصه.... وكل الحريم الي كانو يستنون قبلي دخلوهم لما جاء زوجي...

طبعاً اختي لازم اذا صرختي يسكتونك انتي ماتشوفين البرامج الاجنبيه عن الولاده لازم تحولين طاقتك الي في حلقك الى رحمك وبدال ما تصرخين تدفعين البيبي عشان ربي يسهل امرك وهم لما يهاوشونك مشان مصلحتك
والله الي اعرفه اني ماصرخت على قولت زوجي كله مخدره وبس
يعني ما شفت شي الابعد ما طلع الجنين قمت وزوجي جنبي ما تحرك وهي مستشفى حكومي وما قالو له اطلع ولا منعو دخوله ولا شي ولما طلع يجيب لي اكل بعد الولاده دخلوه عندي بالغرفه الثانيه الي انقلوني لها وشاف ولده وعفصه وقال ابروح انام وكانت الساعه ست او سبع الصبح تقريبا

وولدي عندهم كل ما طلبه يجيبونه لي واذا خلصت نادبتهم وشالوه لانهم يخافون يخلونه عندك
ومرة اخوي ما فيها حليب يعطونها حليب رضع ويوم جت تطلع من المستشفى طلبت منهم كم علبه وعطوها ولا رفضوا والي تبينه يجيبونه لك عادي

وفي التروش مافيه احلى من ترويشها صدق ريحتني وانا في حالة ذهول بس شكلك اختي موريتهم الويل في الغرفه مدري ليش حاقدين عليك وش قاعدين تفركون انتي وياها هاه

ما ادري كل حريم اخواني يولدون فيه ويمدحونه واختي حتى لما ولدت فيه ولدها التالي من ثلاثه شهور تقريبا ماقصروا معاها وكانت في غرفه مشتركه وما لفعوها ولا صرخوا عليها ابد

والله هل العيب فينا ولا في المستشفى ولا الناس الي ما يعجبهم العجب

شاكره لك ردك بس للامانه انا قاعده اضيع وقتي واكتب باصبع وحده لانها الاصبع الوحيده الي تعرف للحروف وكله للاجر والله على ما اقول شهيد

معليش اختي تر اسمي مذنب هالي وواضح حبيبتي لكن استغربت قولتك كل شوي (الاخت الي فوق)
الله يجعلنا دائما فوق يارب وياك وكل مسلم

حبيت احذر يا اخواتي من المتابعه عند الدكتوره الباكستانيه الي في العيادات تقولي وحده عنها انها تعطي ادويه للحوامل اذا صار لهم اي التهابات ادويه تاثر على الجنين يعني يا سقوط يا تشوه والله يستر
وهذا الكلام على عهدة الراوي

صراحه المستشفى ولدت فيها مرتين كلمة حق اقولها فيه راااااااااااااااااااااااااااائع بالمره

لا نظافه ولا عنايه ولا معاملة القابلات والممرضات والدكتورات..صراحه ممتاز ولدت اول ولاده طبيعي وفي غرفه خاصه وزوجي لا هو رتبه عسكريه عاليه ولا شي.سخره من ربي ما شاء الله..والقابله كانتايرلنديه والله خساره اني ما اخذت رقمها رااااااااااااااااااااائعه بدون مجامله كاني بنتها ما تعدتني ولا شبر وكل شي اطلبه منها تنفذه وتسمي علي وكل شوي بس حبيبتي وتشجعني في الولاده كاني نونو..

والنظافه مره ممتازه غير دقتهم في المراجعه وتحاليلهم......
الولاده الثانيه قيصري بس ولله الحمد والمنه مره حلة لانه كبس بدون خياطه..وعرضي.........
الله يعز الحكومه..............آآآآآآآمين
والممرضات مره حلوات والله اني اناديها تصلح شرابي الله يكرمكم وتجي بنفس زينه .والبيبي ما يجبونه الا شوي عشان يمص ومو عشان رضاعه كامله وما عمري غيرت له كل الوقت عندهم واذا صاح ناديتهم ياخذونه....ووو ايه زوجي يدخل معي في الولاده ما يقولون له شي...
بس فعلا فئة الـvip شي خيااااااال

عندهم......

بس العيب الوحيد والي راح يخليني ما اولد عندهم بالرغم ان زوجي مره ما يسمع فيهم شي يقول اولدي عندهم .......... العيب الوحيد هووجود دكاتره رجال ممكن يدخل عليك اذا جت مناوبته ...

الله يهون علينا وعلى الجميع .....بالرغم ان ياراجع الان عند الحبيب الا ان زوجي يقول باحجز لك عند قوى الامن.وغريبه اكلهم ما عجبكم حلو صراحه خاصه الدجاج الي بالجبن الا الان وانا احس بطعمه يمنك اكلته قبل ما احس في الام الولاده والحركه الحلوه عندهم انك تروحين ايام المراجعه وتحجزين غرفه من التنويم..........اذا ذكرت شي حلو قلته..غير ان اكثر الطبيبات سعوديات
وووووايه يهتمون باسنان طفلك من وعمره شهور هذا شي جديد بس ما تابعت عندهم..

وعطوني موعد مع اخصائية التغذيه عشان اخفف وزني تراني موب دبى مره في الستينات بس قالوا اني دبى..الله يهديهم.........وووووووووبس