بصراحه هي شغله حلوه 000وطبعا مربحه خاصه اذا كنتي موهوبه ومتقنه للشغله
انا من راي ((اغلب الناس ماتحب تروح للبيوت اذا تقدري تتفقي مع وحده خاصه بالشعر
وتصيروا انتم تروحوا للزبونه 0000مثل شذى))000وتكون اسعارك مناسبه
مش كل يوم تزيد وتتغير00
وبالتوفيق
والله من خلال تجربة لي شخصياً ، الناس تخاف تجي على البيوت والكل يقولك لأ تعالي انتي على بيتي ، أفضل حل تتشاركي مبدأياً انتي وواحدة تعرف تسريح الشعر وتفتحوا محل وانتي عليك الماكياج وهي الشعر وبعد ما تنشهري والناس تعرفك ممكن تفتحي صالون خاص بك .
انا مثلك اعمل ما كياج والكل يطلبني اسوي له بس كلهم يبغوني على بيوتهم وزوجي يرفض لأن الموضوع فيه مخاطر يعني الواحد ما يعرف البيوت اللي يدخلها ، ورحت فتحت لي مشغل والحمد لله مشى شغلي تمام وكلفني كثييييييييير لكن ما امداني امارس هوايتي اللي احبها والناس تطلبني الا بدأت مشاكل العاملات . اللي تعتذر واللي تهرب واللي تسرق ........الخ كل يوم اروح الاقي مصيبة ، وأنا لأني ما احب اللف والدوران والشغل الأي كلام واحب اني اقدم أفضل شيئ للزبونة عشان سمعتي ، يعني مو يوم شغل روعة ومن بكرة اي كلام عشان والله العاملة الكويسة ما جات للمشغل اليوم اضطريت ابيعه واقعد . والى الان الموضوع مستهويني بقوة لأني اساسا انا رسامة واحب الرسم واحس هذي المهنة هي اللي تحقق متطلباتي . لكن ما عندي استعداد أدخل في متاهات ثانية . وأفكر الحين اني استأجر جزء من مشغل خاص فيني حتى احقق هوايتي لكن برضه النظام هذا موجود برة موب عندنا . اسفة اني طولت عليك لكن حبيت اني اشرح لك تجربتي قبل ما تبدأي حتى تكون خطواتك مرسومة وما يحصل شي ما كان على بالك والله يوفقك
وشي مشرف انه الموضوع بدأ يلاقي صدا عند البنات انا افرح لما الاقي بنات متحمسين زيك وخصوصا سعوديات