وش رايكم بمقولة الحقران يقطع المصران

السلام عليكم
وش رايكم بفن اتجاهل؟
وش رايكم بعدم الإهتمام لرأي الناس؟
هل تحسون انه يقهر الشخص الي يحاول يستفزك؟
بوضح لكم مشكلتي هل اكمل اسلوبي ولا اغيره
عندي صديقه او شبه صديقه للأسف نعتبر قرابه دم ولحم
لو اقولها الشمس تشرق من الشرق قالت لا تشرق من الجنوب
تحب تعاندني بكل شي
صرت اكره اتجمع الي هي فيه بسبت استفزازها لي
اذا مدحت للبنات مطعم او سوق او اي شي قالت لاااااا وعععع لاتروحو له خايس وناس الي تروح له خايسين
اذا ارسلت موديل ع قروب الواتساب يمدحون البنات وهي وععع الموديل ذا ماعجبني
اذا مدحت عطر قالت وععععع لا يبنات خذو العطر ذاك
والبنات معها بسراء وضراء يسحبون على كلامي وياخذون كلامها
وهي ترسل بالقروب ضحكه يعني شوفيني انا ذوووق
مستحيل ابداً توافقني الرأي
واذا تقابلنا ونا امشي تناظر لأختها وتضحك
وتدق بالكلام دق بشكل غير مباشر
اسلوبي الي اتخذته تجاهلتها تماماً اذا سبت شي ماارد عليها واقول بالعكس حلو ووووووووالخ
خلاص اقول رأيي وانهي كلامي
اخليها تسب بالقروب وتحاول تبين للبنات ان انا مااعرف للأماكن ولمطاعم ولأشياء ذي بشكل غير مباشر
بصراحه قطعت التجمع معها لي الحين سنتين ماشفتها
لاكن مناشبتني بالقروب ولا ودي اطلع عشان لاتعرف انها من جد منرفزتني
لاتقولو غيرانه منك البنت ماشاءالله ماناقصها شي جمال وذوقها بجد حلو
ونا قسم بالله جداً عاديه ماعندي شي يميزني عنها ابداً
بس تعبت منها لدرجة لو اشوفها او اشوف رساله منها قلبي يرجف كأن انكب عليه مويا حاره بسبب استفزازها لي