" كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ "
بتتسألون وش هالمنكر ؟
استغفرالله العظيم وش اللي صآير بالمنتدى
ألفااااظ ... لاحول ولاقوة إلا بالله ...
من سب وقذف وشتايم وألفاظ نابية فعلا فعلا توصف بها جنسيات أخرى
وهذا غير ان البعض يحتقر أي جنسية ولازززم له بكل جنسية عذاريب ,,,
اللي دفعني اكتب رغم اني دوووم اشوف كلمات من هالقبيل
بس الحين لاني بيوم واحد بس قرأت كذا موضوع وفيهم ألفاظ والله والله انك تتأذين وتشمئزين من قرأتها
وماابي اكتب هالكلمات لان صاحبات المواضيع عارفات اش كتبن
تكفوووون اذا انت متضايقة من زوجك من اختك من صديقتك من جيرانكم من أهل حيكم لو متضايقة منكللل العالم
حنا نقدر لك ضيقتك بس تكفين انتقي الفاظك
مب لاننا نكون معصبات معناته مسموح لنا نسب ونشتم
والله وانا اقرأ هالكلمات اقول بنفسي لو من دول أخرى > وهذا أكيييد < اطلعوا ع مواضيعنا وقرأو ألفاظنا
وش بيقولون عنا ؟؟ وش بتكون صورتنا !!
بنات الفاظك تدل عليك ع اخلاقك ع رقي افكارك ,, وقبل ذا كله الكلمة الطيبة صدقة
تعرفون اكيد كلكم حديث النبي صلى الله عليه وسلم لعائشة رضي الله عنها لما وصفت
أم المؤمنين صفية رضوان الله عليهم أجمعين
لا وتعرفون وشو كان وصفها ؟ انها قالت للنبي صلى الله عليه وسلم "حسبك من صفية كذا و كذا "و تقصد أنها قصيرة القامة "
وشوفوا وش كان رده عليه الصلاة والسلام على عائشة وضي الله عنها وهي أم المؤمنين
وشوفوا حنا وش نقول عن الناس ومع ذا مانقبل احد يغلطنا مانعتبر الفاظنا مشكلة !!
واختم بقوله تعالى : "أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ "
وعكس هالكلمة الطيبة .. سبحان القائل "وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِنْ فَوْقِ الْأَرْضِ مَالها من قرار "
مع تحيات ال ن ف س ي ة
وبعد آبشركم بآشيل حظر ملفي عشان اللي يدها تحكها وتبي تجمع سقطاتي
وملفك يوووووه ياكثر اللي دخلوا الحين ههههههههاي