وش رايكم بهذا النظام في النفاس؟

العيد مبارك ومن العايدين الفايزين
وش رايكم نولم العصابة قبل الفلقة أبي أشوف ردودكم خأصة من ذوات الخبرة أكيد ماراح يقصرون :hahaha:وحدة واثقة من نفسهاخخخخخخخخخخخ
المهم نبدا بالحلبة وتكون 20 يوم الأولى من الصبح كوب حليب دافي مع الحلبة مطحونة طبعا وتمر معبوط مع سمن بلدي ورشاد مطحون وماطحن ماأدري مته الوحدة توقفها بس أحسن شي كل 40 يوم
ثم أخذ غفوة أذا خلك البيبي بس تاخذينها
ثم وقت الضحى قبل أذان الظهر الفطور إي شي الا الممنوع محلا بيض .....
وبعد ساعة شرب قهوة وهي عبارة عن قشر قهوة وورق زعتر ودارسين وزنجبيل بودرة وطازج وكمون ويانسون
وأخر الظهر الغدا مرق لحم مطازيز طبعا معها ماش أخضر مجروش
وبعد الغداء بربع ساعة تكوني منقعة محلب وعنزروت ومرة بس ماأدري وش الكمية (المقاس)
والعصر كملي القهوة وكلي أي شي الا الممنوع فواكة شابورة بسكوت أي شي والعشاء اللى تشتهينة شوربة خبز وقبل النوم شرب كوب كمون دافي
طبعا أذاعطشتي أشربي موية دافيةأو عادية وسمعت أن الشمر طارد للغازات بس ما أعرف كيف يستخدم والسكر نبات أفضل شي اللي على شكل خيوط
هذا بالنسبة للأكل
أما الوضوء سمعت أن الوحدة ما تستخدم أي شي لما تطيح الخيوط علشان ماتتقطع وأذا طاحت الوضوء مرة واحدة في اليوم بالأرطا وقشر الرمان لأنها تشد المنطقة وأذا كان فيك شمم المرة وفية ناس تطحن قشر الرمان وتخلطة مع العسل
والكبو يستخدم العشرين الأخيرة بس ما يحضرني وش مكونته أتذكر قشر بصل وأعواد هواء وكمون أعواد الشيح وماأدري وش الباقي ياليت

أحد يكملها

أنتظر ردودكم وياليت ما تبخلون علينا بخبراتكم