وش رايكم ب د.نوال بالطب الحديث؟

تأخر الحمل



مرحباا

بنات وش رياكم بالدكتوره نوال بالطب الحديث لتاخر الحمل؟


تعالج الرجال او لا؟

عنده منظار لازاله الورم الليفي او لا؟
تسوي التلقيح الصناعي؟؟؟؟؟؟؟؟؟؟؟؟؟؟


واسعارهم كيف؟وعندهم خصم للمعلمه او لا؟؟


وابي رقم المركز وراح تداوم بالعيد او لا؟


موعيدهم زحمه ولازم حجز؟









بانتظار اجاباتكم ................لاني متضايقه هالفتره مره من ارتفاع هرمون الحليب
12
8K

يلزم عليك تسجيل الدخول أولًا لكتابة تعليق.

تسجيل دخول

العنيدة ريمممم
الله يرزقك ما جربتها
ماأبى اسم
ماأبى اسم
أنا جربتها كويسة مرررررره وأسلوبها حلو بس زحمه مرررررررررررررررررررررررره انا طفشت من الزحمة وصراحة رحت للحبيب عن الدكتور توفيق جعفر
شمس جده وقمرها
ماعندي علم الله يوفقك حبيبتي
ام ميهاف..
ام ميهاف..
شوفي اختي نصيحه لوجه الله الا نوال هذي مو دكتوره

هذي جــــــــــــــزاره حسبي الله عليها ونعم الوكيل..

انا نصحوني بنات هنا بالمنتدى وقالوا لي لاتروحين بس كنت اقول ارتحت لها

لان لسانها يقطر عسل وتعطيك الامل وكل شهر تفكرين انك حامل..

لعبت فيني ودمرتني بهالمنشطات كانت تعطيني ابر وكلوميد مع بعض وهذا طبعا خطر

تحب تلهف فلوس قدر الامكان تخسرك حتى علاجاتها ماتصرف احيانا الا من نفس صيدلية المستشفى
وطبعا السعر دبل حسبي الله ونعم الوكيل فيها..

العلاج عندها هو هو كل شهر منشطات وابر تفجير وبعدها باسبوعين تحليل دم عادي عشان
نشوف في حمل مابان نسوي تحليل رقمي وهذا هي الله حسيبها بس..

الحين انا اتعالج من الاضرار اللي سببتها لي المنشطات المفروض ما تؤخذ اكثر من ثلاث اشهر
والا بيصير فرط في الاباضه وبعدها عاد دوري بويضات للشهور الثانيه وانا كانت شهريا على مدار سنه كامله

غير اني سويت عندها تلقيح صناعي سوته لي مثلا اليوم ومن بكره اشعه على البطن
وقالت البويضه ماتلقحت لازم نعيده اليوم وعدته واعطتني حبوب مدري وش كانت قالت مثبته

واثاريها تمنع الدوره وجلست شهر واالدوره منقطعه وتحليل الدم مافيه حمل وبالاشعه
كانت تقول فيه حمل وطبعا بعد سؤال الاستشاريين بعدين يقولون الحمل يبين بالدم
واذا مابين مافيه حمل وهي على مدار شهر لاعبه علي على اساس فيه حمل..

تركتها بلا عوده والله لايحللها ولا يسامحها على اللي سوته فيني
هي ابدا ماتنفع لعلاج تأخير الحمل وسمعتها للاسف زفت من نواحي ثانيه بس مادريت
الا بعد مافات الفوت..

الله على ما اقول شهيد ووالله ان مابيني وبينها شيء
وان كل كلمه قلتها صادقه فيها ونصيحه ياختي دامك بتدفعين وتبين تتعالجين

روحي للحبيب عندهم دكاتره ممتازين والا روحي للدكتوره نعيمه ابا الخيل فضيعه هالانسانه
اخلاق وصدق بالتعامل وتعلمك وش انتي محتاجه له بالضبط ماتلعب فيك..
الله يجزاها خير يكفي ابتسامتها لك واحترامها لك كانسانه..

<<يمكن قلت قصة حياتي لكن مابي احد يندمر مثلي وكان كل اللي فيني هرمون الحليب بس>>

اسفه للاطاله
سما الرياض
سما الرياض
انا ايد كلام ام ميهاف طلعت فيني بلاوي ماكنت فيني وخسرتني خساااير غير طبيعيه

وانا سالت الدكتور عبد العزيز المشاري عنها وهو استشاري معروف قال الحمد لله انك تركتيها وسلمتي منها

انا اقول اللي شفته منها واللي قال لي الدكتور والله على ماقول شهيد

وزي ماقالت ام ميهاف عندك الحبيب والدكتورة نعيمة ماعمري سمعت احد يسبها الكل يمدحها والله يرزقنا جميعا ويغنينا عنهم بفضله ياااااااااااااااااااااااااارب