سلام عليكم حبيباتي وحشتوني من زمان عنكم ...
انا اول ما طلع الواتس عادي اول ما ملكت حطيت صور خاتم .. والتوبك .. الله يتمم على خير
..
لمن تزوجت .. قعدت فترة صور عاديه .. بعدين صرت احط صور زوجي ..
زوجي عادي بس لمن اسوي له صور بالفوتشوب يطلع مره حلو خخخ..
وكنت احطها واحط حب بس شي بسيط مو كلام غزل غزل !!..
بعدين قعدت اقول ليه .. .
اخلي كل بنت تشوفه وتفصفص فيه وتكبر وتصغر وتوري فلانه وعلانه ..
وبطلت هالعاده
صرت احط صور عاديه - ادعيه
وحده من قريباتي ماعمرها حطت شي غير صور زوجها وتكتب كلام زايد عن الحد
اعشقك اموت فيك ابي حضنك واجمل طفل منك ... يعني وش بقيتي .
.؟؟شوي وتكتب +18
انا مدمنة احضانك ولياليك .. والله عيب ...
والبعض تصور محادثة بينها وبين زوجها قلها احبك وقامت حطتها عرض .. !!
طيب وش دخلنا احنا نقرأ شي خاص بينك وبين زوجك !
يعني لمن نقراها وش تبينا نسوي !!
وووواوووو قيس وليلى
!!!على الاقل الوحده تستحي من عمها خالها اخوانها في الواتس يقرون هالكلام !!!
صرت اتقزز ,,,,
حتى الزوج
يحس ان المره طايحه عنده بتموت
!!؟بغض النظر عن العين والحسد الناس بيقولون ذي خاقه هبله او شي ...!!
يازين الثقل بس,,
معلش بنات لحد يزعل بس هل فعلا هالشي غريب ؟؟
البنات الي سعيدات بحياتهم مايذكرون تفاصيل شي لانهم واثقين
والي تعاني كثير تغطي النقص بالاستعراض ..؟؟
هو صحيح هالشي حلال وزوجك ولازم تحبه الوحده بس لابد كمان مراعاة الذوق العام ؟
في عوانس عندك باللسته
.. في مطلقات متعبات نفسيا
.. فيه مراهقات
... فيه محرومات
...فيه الكثير ...
# زي وحده من قريباتي بعد .. كل ماجينا نزورهم هم في ديرة واحنا في ديرة لازم تقابلنا ورقبتها حمرا ؟؟
يعني باين انها مصطنعه ياليتها بقعه صغيره ولا شي ناعم تقل مضاربه صارت امس !!
يعني انتي تسعدي نفسك ولا تستعرضي امام الاخرين
وش رايكم بنات ...
لحد يزعل مني فديتكم .. ابي ارائكم ...
وكل عام وانتو بخير والله يبلغكم رمضان وليلة القدر ..
ويوفق الجميع
والمتزوجة مالكه الدنيا ومافيها
السعاده نسبية تختلف من شخص الشخص
فيه مطلقات عملو حفلات ورقص بعد ماتطلقو وعاشو حياتهم بالطول والعرض
وعلى كثر الخطاب اللي يجونهم يرفضون
وفيه متزوجات الله يكون بعونهم اكتئاب وحرمان عاطفه وماده وكل شئ
اما الصور كل وحده وحريتها تحط اللي تحطه اهم شئ الوحده ماعليها الا بعرضها وتوبيكها
اما الناس ماعلي منهم