كيفكم خواتي ..
يعلم الله اني بحيرة من امري من كثر مااشوف هالصور بالنت لعبت بتفكيري
ولي الان 3 شهور وانا اقول باسوي مطبخي .. واتردد من اختيار اللون :09:
لاني ادري لوسويته بينشب بحلقي الين اغير الشقه واسكن بييت ثاني :(
شوفوا رايكم بقراري الاخير .. واعطوني رد بناء على ذوقي اللي ابيه ..
ابي مطبخي مودرن + يناسبني كشابه ماعندي اطفال يوسخون + ماابي وحده تدخل تقول بني .. لاااااااا للبني والبيج بدرجاته نهاااااااااااائيا .. :(
هذا المطبخ .. الفكرة اللي ابي اسو يها ..
السقف
الارضيه
والمطبخ زي ماشفتوا اللي فوق اسود واللي تحت ابيض ..
والكيشاني تفاحي .. زي الصورة ..
وباسوي نفس الانارة اللي بالصورة ..
وهل تعتقدون بيصير ع الطبيعه كذا ؟ زي الصورة هذي ؟
الله يسعدكم لا تطنشوني ولا تخيبون ظني .. ترى ماعندي اهل ولا ام حيه ولا اخوات ينصحوني .. والله واللي خلقني وخلقكم مااعتبركم الا زي خواتي .. وكل شئ ابي اسويه اجي طايرة استشيركم بكل عفوية .. :44:
..
والله المطبخ رووووعة بس يمكن اللي يصلحة لك ما يضبطه مثل اللي بالصورة
لان حلاة اللي بالصورة نوع خامة المطبخ نفسه
وبصراحة ما عندي فكرة عن محلات التفصيل
بس دايم اسمع بنات المنتدى يمدحون حراج بن قاسم
اعذريني طولت عليك يالغلا