وش رايكم في تصرف هالانسانه الغريبه!!!

مرحبا يابنات
باحكي لكم سالفتي مع صديقة الطفوله ورفيقة الدرب وعطوني ارائكم

اللي باحكي عنها اللحين هي قريبه لي وفي نفس الوقت صديقة طفوله وعمر

صديقه جمعتنا ذكريات حلوه وطفوله بريئه وايام صبا رائعه تكبرني بثلاث سنوات
تزوجت قبلها واستمرت صداقتنا ماتغيرت عليها ابد بالعكس كنت فاتحه بيتي لها

اتصالات ما انقطعت كنت امر عليها بسواقي نطلع للسوق ونتعشى وعايشين حياتنا
ولاعمري حسستها اني متزوجه وهي حتى كانت تقول لي انتي ماتغيرتي
عكس اللي يتزوجون ينقلبون على اللي حواليهم :mad:
كنت لها اخت وصديقه وقفت معها في ازماتها وهي بعد ماكانت تقصر لها مواقف ماا انساها

ومرت السنين وتزوجت من سنتين على رجل متزوج وعنده اطفال والحمدلله مبسوطه
ومن هنا بدأت المشكله!!!
صديقة العمر والطفوله تغيرت وابتعدت تدريجياً الى ان انقطعت نهائي!!
ارسلت لها من شهور رساله قلت خليني اشوفك قالت ان شاء الله ومرت الشهور
وماتلقيت اي رد ولا اتصال!

من ثلاث شهور اتصلت وارسلت رسالة عتاب عاتبتها على انقطاعها وردت علي توك تسألين :44:
ليش ماطولتي بالك!!العمه تبيني الاحقها كل شوي باتصال!
قلت لها دقيت وارسلت انتظرك تفضين لكن ماشفت رد وانا ما احب الاحق احد يبعد عني!
قالت على العموم ابدق عليك بعدين نتفاهم وطبعا لادقت ولا ارسلت
استغربت منها كيف نست العشره والصداقه اللي بيننا !!
كل هذا علشان تزوجت؟طيب انا تزوجت قبلها بسبع سنين وعندي بنتين الحمدلله
وسعيده مع زوجي
استغربت من تقلبها ومزاجيتها وانقهرت منها كيف انا فاتحه بيتي لها طول هالسنين
وماقصرت معها في شي
وهي تتزوج وتنقلب على هالاتقلاب
وش رايكم في تصرفها؟انا ندمت اني سألت عنها ولاعبرتها انسانه انانيه ومصلحجيه
ماتستاهل من يعبرها!!!