وش رايكم في حركة أم العروسة

يابنات مساء الخير
امس زميلتي دعتني في بيتها ملكة بنتها الكبيره المهم زميلتي ذي عمرها صغير ٣٩ ومهتمه بصحتها ورياضتها وتزوجت وعمرها ١٨ وجابت هالبنت ١٩ وبنتها الان عمرها ٢٠ وسبحان الله البنت نسخة طبق الاصل من امها .. اقول هالتفاصيل عشان تقولون رأيكم صح
المهم دخل العريس الصاله فيها الكوشه وحنا لابسات العبايه وفي الصاله درج المفروض العروس وامها ينزلون سوا .. زميلتي الله يصلحها كانت لابسه فستان سكري ونزلت قبل البنت بدقيقة فام الولد شكلها فهمت ولدها اذا جات العروس سلم على راسها وامسك ايدها وروح للكوشهيوم نزلت زميلتي بشكلها فكرها العريس زوجته لانه ماشافها الا في الشوفه الشرعيه وهي نفس امها فسلم على راسها ومسك يدها بيروح للكوشه 😳 امه انتبهت وجرت عليه وسحت ايده قالت العروس فوق 😳😳😳😳مسكين العريس كلج والعروس نازله اشر عليها قال هي ذي هزت راسها الام ايه وسلم على راسها وراحوا على الكوشه كرسي ام العريس كان بجنب ولدها وسمعته وحده قالت له وش سويت قال وش دراني المفروض ام العروس تنزل مع بنتها ولابسه اخضر او اي لون ثاني مو ابيض كمان تخيلت الام عجوز ماتوقعتها تشبه بنتها كذا
الكل اجمع انها غلطانه بسبب لون الفستان ووقت نزولها وانتم وش رايكم